കിറ്റെക്സ് കമ്ബനി എം.ഡിക്ക് പണത്തിെന്റ ധിക്കാരമാണെന്ന് പി.ടി. തോമസ് എം.എല്.എ. കമ്ബനിയിലെ ഡൈയിങ് ആന്ഡ് ബ്ലീച്ചിങ് യൂനിറ്റ് മലിനീകരണം നടത്തുന്നുവെന്ന നിലപാടില് ഉറച്ചുനില്ക്കുന്നുവെന്ന് അദ്ദേഹം വാര്ത്തസമ്മേളനത്തില് പറഞ്ഞു.
250 ജോലിക്കാരുള്ള സ്ഥാപനത്തിനെതിരെയാണ് ആരോപണം ഉന്നയിച്ചത്. അവിടെ 50-_60 പേര് മാത്രമാണ് മലയാളികള്. മറ്റ് തൊഴിലാളികള് അന്തര്സംസ്ഥാനക്കാരാണ്. ഇവിടെനിന്ന് മാലിന്യം പുറന്തള്ളുന്നുണ്ട്. സംസ്കരണത്തിനുശേഷം വെള്ളം തുറന്ന സംഭരണികളിലാണ് ശേഖരിക്കുന്നത്. ഇക്കാര്യം മലിനീകരണ നിയന്ത്രണ ബോര്ഡ് നടത്തിയ പരിശോധനയിലും കണ്ടെത്തി. ആറുമാസം വിവിധ സ്ഥലങ്ങളില് പരിശോധന തുടരണമെന്നാണ് ബോര്ഡിെന്റ ശിപാര്ശ. നിയമം നടപ്പാക്കണമെന്നാണ് താന് ആവശ്യപ്പെട്ടത്. ലാഭനഷ്ടം നോക്കിയല്ല നിലപാട് സ്വീകരിച്ചത്.