കൊച്ചി: നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ വകവരുത്താന് ഗൂഢാലോചന നടത്തിയെന്ന കേസില് മുന്കൂര് ജാമ്യം തേടി നടന് ദിലീപ് ഉള്പ്പെടെയുള്ള പ്രതികള് നല്കിയ മുന്കൂര് ജാമ്യാപേക്ഷകള് ഹൈക്കോടതി ഇന്ന് പ്രത്യേക സിറ്റിംഗ് നടത്തി പരിഗണിക്കും.ഇന്നലെ രാവിലെ ഹര്ജി പരിഗണിക്കുമ്ബോള് വളരെ പ്രാധാന്യമുള്ള കേസാണിതെന്നും വിശദമായി വാദം കേള്ക്കാന് സമയം വേണമെന്നും വിലയിരുത്തിയ ജസ്റ്റീസ് പി. ഗോപിനാഥ് ഹര്ജികള് ഇന്നു പരിഗണിക്കാന് മാറ്റുകയായിരുന്നു. ഇന്നു രാവിലെ 10.15ന് ഓണ്ലൈന് സിറ്റിംഗ് ഒഴിവാക്കി കോടതി മുറിയില് നേരിട്ടു വാദം കേള്ക്കും.
കേസില് ഒന്നു മുതല് ആറു വരെ പ്രതികളായ നടന് ദിലീപ്, സഹോദരന് അനൂപ്, സഹോദരീ ഭര്ത്താവ് ടി.എന്. സൂരജ്, ബന്ധുവായ അപ്പു, സുഹൃത്തായ ബൈജു ചെങ്ങമനാട്, മറ്റൊരു സുഹൃത്തും ഹോട്ടലുടമയുമായ ആലുവ സ്വദേശി ശരത് ജി. നായര് എന്നിവരാണ് മുന്കൂര് ജാമ്യാപേക്ഷകള് നല്കിയത്.
Facebook Comments Box