ഇടുക്കി: മുന് മന്ത്രി എം.എം. മണിക്ക് മറുപടിയുമായി മുന് എംഎല്എ എസ് രാജേന്ദ്രന്. എല്ലാവര്ക്കും എല്ലാവരുടെയും ജാതി അറിയാം.ജാതി ഉണ്ട് എന്നുള്ള കാര്യത്തില് ആര്ക്കും ഒരു തര്ക്കവുമില്ല. 2021ല് പരസ്യമായി മൂന്നാറില് ജാതി പറഞ്ഞാണ് സിപിഎം വോട്ട് പിടിച്ചത്. ജാതി സമവാക്യം എന്ന പേരില് ജാതിപ്പേരുകള് പറഞ്ഞു. ഇതു ശരിയല്ലെന്നാണ് താന് പറഞ്ഞതെന്നും രാജേന്ദ്രന് വ്യക്തമാക്കി.
മണിയെ പേടിച്ചല്ല വാര്ത്താസമ്മേളനം മാറ്റിവെച്ചത്. മണി പറയാനുള്ളത് പറഞ്ഞോട്ടെ. അന്വേഷണ കമ്മീഷന്റെ കണ്ടെത്തലുകളില് പോലും ഇല്ലാത്ത കാര്യമാണ് എല്ലാവരും പറയുന്നത്. മണി തനിക്കെതിരെ പ്രസംഗിച്ചാല് അത് താനും കൂടി കസേരയിട്ട് കേട്ടിരുക്കും. ഒരു മുതിര്ന്ന ആള് എന്ന നിലയില് മണി പറയുന്നത് കേള്ക്കേണ്ടത് ആണെങ്കില് കേള്ക്കും ഇല്ലെങ്കില് തള്ളിക്കളയുമെന്നും രാജേന്ദ്രന് പറഞ്ഞു.