കാഞ്ഞിരപ്പള്ളി: മുഖ്യമന്ത്രിയുടെ ദുരിതാശ്വാസ നിധിയിൽനിന്ന് 1,13,31,500 രൂപയുടെ സഹായം കാഞ്ഞിരപ്പള്ളി നിയോജകമണ്ഡലത്തിലെ അപേക്ഷർക്കു ലഭിച്ചതായി ചീഫ് വിപ്പ് ഡോ. എൻ. ജയരാജ്. 2021 ഡിസംബർ ഒന്നു മുതൽ ഏപ്രിൽ 30 വരെയുള്ള കാലയളവിൽ ലഭിച്ച 1311 അപേക്ഷകൾക്കാണു തുക അനുവദിച്ചത്
വില്ലേജ് അടിസ്ഥാനത്തിൽ ലഭിച്ച തുക (അപേക്ഷകരുടെ എണ്ണം ബ്രാക്കറ്റിൽ): ആനിക്കാട് – 6,93,000 (99), ചിറക്കടവ് – 1,22,500 (120), കങ്ങഴ – 10,64,500 (111), കാഞ്ഞിരപ്പള്ളി – 21,23,000 (313), കറുകച്ചാൽ – 16,41,000 (151), മണിമല – 7,57,500 (100), നെടുങ്കുന്നം – 10,11,500 (110), വാഴൂർ – 19,56,000 (216), വെള്ളാവൂർ – 6,45,500 (57)
ഭൂരിഭാഗം പേരുടെ അക്കൗണ്ടിലേക്കും ധനസഹായം നേരിട്ട് ഇതിനോടകം എത്തിച്ചിട്ടുണ്ട്. ബാക്കിയുള്ളവ അടിയന്തരമായി ലഭ്യമാക്കുന്നതിനുള്ള പ്രവർത്തനങ്ങൾ നടന്നുവരുന്നതായും ചീഫ് വിപ്പ് അറിയിച്ചു