ലൈം​ഗിക ബന്ധം, കന്യകാത്വ പരിശോധന, വന്ധ്യംകരണം.. എല്ലാം തീരുമാനിക്കുന്നത് മറ്റാരെങ്കിലും; സ്ത്രീകൾക്ക് ശരീരം പോലും സ്വന്തമല്ലെന്ന് റിപ്പോർട്ട്; ഐക്യരാഷ്ട്ര സഭ കഴിഞ്ഞ ദിവസം പുറത്ത് വിട്ട ‍വസ്തുതകൾ ഞെട്ടിക്കുന്നത്

Spread the love
  •  
  •  
  •  
  •  
  •  
  •  
  •   
  •  
  •  
  •  
  •  
  •  
  •  
  •  
  •  

ന്യുയോർക്ക്: ലോകത്തെ 57 രാജ്യങ്ങളിലെ പകുതിയോളം സ്ത്രീകൾക്ക് ലൈംഗിക ബന്ധത്തിൽ ഏർപ്പെടുന്നതിന് പോലും നിയന്ത്രണങ്ങൾ അനുഭവിക്കേണ്ടി വരുന്നെന്ന് റിപ്പോർട്ട്. ഐക്യരാഷ്ട്ര സഭ കഴിഞ്ഞ ദിവസം പുറത്ത് വിട്ട റിപ്പോർട്ടിലാണ് ഇക്കാര്യം വ്യക്തമാക്കുന്നത്. ഗർഭനിരോധന മാർഗ്ഗങ്ങൾ ഉപയോഗിക്കുക, ആരോഗ്യ പരിരക്ഷ തേടുക തുടങ്ങിയ കാര്യങ്ങളിലും സ്ത്രീകൾക്ക് സ്വാതന്ത്ര്യമില്ലെന്നാണ് റിപ്പോർട്ടിൽ പറയുന്നത്.

ഐക്യരാഷ്ട്ര ജനസംഖ്യാ ഫണ്ടിന്റെ റിപ്പോർട്ടിൽ സ്ത്രീകളുടെ ശാരീരിക സ്വാതന്ത്ര്യത്തെയാണ് വിശകലനം ചെയ്യുന്നത്. “മൈ ബോഡി ഈസ് മൈ ഓൺ” എന്ന തലക്കെട്ടിലാണ് പഠന റിപ്പോർട്ട് പുറത്ത് വിട്ടത്. ബലാത്സംഗം മുതൽ നിർബന്ധിത വന്ധ്യംകരണം മുതൽ കന്യകാത്വ പരിശോധന, ജനനേന്ദ്രിയ വികലീകരണം വരെയുള്ള 57 രാജ്യങ്ങളിലെ സ്ത്രീകൾക്കെതിരായ ആക്രമണങ്ങളെ റിപ്പോർട്ടിൽ പ്രതിപാദിക്കുന്നു.

സ്ത്രീകൾ അക്രമത്തെ ഭയപ്പെടാതെ തങ്ങളുടെ ശാരീരിക ആവശ്യങ്ങലെ എങ്ങനെ നിറവേറ്റുന്നു എന്നത് സംബന്ധിച്ചായിരുന്നു പഠനം. “ശാരീരിക സ്വയംഭരണത്തിന്റെ അഭാവം വ്യക്തിഗത സ്ത്രീകൾക്കും പെൺകുട്ടികൾക്കും ആഴത്തിലുള്ള ഉപദ്രവങ്ങൾക്കപ്പുറത്ത് വലിയ പ്രത്യാഘാതങ്ങളുണ്ടാക്കുന്നു: സാമ്പത്തിക ഉൽപാദനക്ഷമത കുറയ്ക്കുന്നതിനും കഴിവുകൾ കുറയ്ക്കുന്നതിനും ആരോഗ്യ പരിപാലനത്തിനും നീതിന്യായ വ്യവസ്ഥകൾക്കും അധിക ചിലവുകൾ വരുത്തുന്നതിനും സാധ്യതയുണ്ട്,” യുഎൻ ജനസംഖ്യാ ഫണ്ട് പ്രസ്താവനയിൽ പറഞ്ഞു.

പഠന വിധേയമാക്കിയ രാജ്യങ്ങളിൽ 56 ശതമാനം മാത്രമേ സമഗ്രമായ ലൈംഗിക വിദ്യാഭ്യാസം നൽകുന്ന നിയമങ്ങളോ നയങ്ങളോ ഉള്ളൂവെന്ന് പഠനം പറയുന്നു. ലൈംഗിക ബന്ധത്തിലേർപ്പെടണോ വേണ്ടയോ, ഗർഭനിരോധന മാർഗ്ഗം ഉപയോഗിക്കണോ, ആരോഗ്യ സംരക്ഷണം തേടണോ എന്നതിനെക്കുറിച്ച് പകുതിയോളം സ്ത്രീകൾക്ക് ഇപ്പോഴും സ്വന്തം തീരുമാനമെടുക്കാൻ കഴിയില്ല. ചുരുക്കത്തിൽ, ദശലക്ഷക്കണക്കിന് സ്ത്രീകളും പെൺകുട്ടികളും സ്വന്തം ശരീരത്തെ സ്വന്തമാക്കുന്നില്ല. അവരുടെ ജീവിതം മറ്റുള്ളവർ നിയന്ത്രിക്കുന്നു, ”യുഎൻ‌എഫ്‌പി‌എ ഡയറക്ടർ നതാലിയ കനേം പറഞ്ഞു.

ക്രിമിനൽ കുറ്റങ്ങളിൽ നിന്ന് രക്ഷപ്പെടാനായി ബലാത്സംഗക്കേസിൽ ഇരയെ വിവാഹം കഴിക്കാൻ അനുവദിക്കുന്ന നിയമങ്ങളുള്ള 20 രാജ്യങ്ങളോ പ്രദേശങ്ങളോ ഉണ്ടെന്ന് റിപ്പോർട്ട് ചെയ്യുന്നു. ഇണയെ ബലാത്സം​ഗം ചെയ്യുന്നത് കുറ്റമല്ലാത്ത 43 രാജ്യങ്ങളുണ്ട്. 30 ലധികം രാജ്യങ്ങൾ അവരുടെ വീടിന് പുറത്തുള്ള സ്ത്രീകളുടെ നീക്കത്തിന് നിയന്ത്രണങ്ങൾ ഏർപ്പെടുത്തുന്നു എന്നും റിപ്പോർട്ടിൽ പറയുന്നു.


Spread the love
  •  
  •  
  •  
  •  
  •  
  •  
  •   
  •  
  •  
  •  
  •  
  •  
  •  
  •  
  •