2019-ല് തിരഞ്ഞെടുപ്പ് പ്രസംഗത്തില് മോദിസമുദായത്തെ അപകീര്ത്തിപ്പെടുത്തിയെന്ന കേസില് രാഹുലിന് ഗുജറാത്തിലെ സൂറത്ത് കോടതി രണ്ടുവര്ഷം തടവുശിക്ഷ വിധിച്ചിരുന്നു.
കര്ണാടകത്തിലെ കോലാറില് കഴിഞ്ഞ ലോക്സഭാ തിരഞ്ഞെടുപ്പ് റാലിയില് നടത്തിയ പ്രസംഗമാണ് ശിക്ഷയ്ക്കിടയാക്കിയത്. ‘നീരവ് മോദിയോ ലളിത് മോദിയോ നരേന്ദ്ര മോദിയോ ആകട്ടെ, എന്താണ് എല്ലാ കള്ളന്മാരുടെയും പേരില് മോദിയുള്ളത്…? ഇനിയും തിരഞ്ഞാല് കൂടുതല് മോദിമാര് പുറത്തുവരും…’ എന്നായിരുന്നു 2019 ഏപ്രില് 13-ന്റെ പ്രസംഗത്തിലെ വിവാദപരാമര്ശം. ബി.ജെ.പി.യുടെ സൂറത്ത് വെസ്റ്റ് എം.എല്.എ. പൂര്ണേഷ് മോദി നല്കിയ പരാതിയിലാണ് സൂറത്ത് സി.ജെ.എം. കോടതി കേസെടുത്തത്.
Facebook Comments Box