കൊച്ചി: നാടാര് സംവരണം ഹൈക്കോടതി സ്റ്റേ ചെയ്തു. ക്രിസ്ത്യന് നാടാര് വിഭാഗത്തെ ഒബിസിയില് ഉള്പ്പെടുത്തിയ സംസ്ഥാന സര്ക്കാര് നടപടിയാണ് സ്റ്റേ ചെയ്തത്. സര്ക്കാരിന്റേത് നിയമപരമായി നിലനില്ക്കുന്ന ഉത്തരവല്ലെന്ന് ഇടക്കാല ഉത്തരവില് ഹൈക്കോടതി വ്യക്തമാക്കി.
ഒബിസി പട്ടിക വിപുലീകരിക്കാനുള്ള അധികാരം സംസ്ഥാന സര്ക്കാരിനില്ല. രാഷ്ട്രപതിക്കാണ് അതിനുള്ള അധികാരാവകശാമെന്നും ഹൈക്കോടതി ചൂണ്ടിക്കാണിച്ചു. മറാത്ത കേസില് സുപ്രീംകോടതി പുറപ്പെടുവിച്ച വിധിന്യായത്തിന് വിരുദ്ധമാണ് സംസ്ഥാന സര്ക്കാരിന്റെ നടപടിയെന്നും ഇടക്കാല ഉത്തരവില് കോടതി വ്യക്തമാക്കി.
ക്രിസ്ത്യന് നാടാര് വിഭാഗത്തെ ഒബിയില് ഉള്പ്പെടുത്തിയുള്ള സംസ്ഥാന സര്ക്കാര് ഉത്തരവ് ചോദ്യംചെയ്തുള്ള ഹര്ജികളില് വിശദമായി വാദം കേള്ക്കാമെന്നും ഹൈക്കോടതി വ്യക്തമാക്കി. വരും ദിവസങ്ങളില് ഈ ഹര്ജികളില് കോടതി വിശദമായി വാദം കേള്ക്കും