നടന്‍ ബാല വിവാഹിതനാകുന്നുവെന്ന വാര്‍ത്ത കഴിഞ്ഞ ദിവസമായിരുന്നു പ്രചരിച്ചത്. സെപ്തംബര്‍ അഞ്ചിന് വിവാഹം എന്നായിരുന്നു വാര്‍ത്തകള്‍. പിന്നാലെ ഈ വാര്‍ത്ത സ്ഥിരീകരിച്ച് ബാല തന്നെ രംഗത്ത് വന്നിരുന്നു.
പിന്നാലെ ബാലയുടെ ഭാര്യയെ തിരഞ്ഞിറങ്ങിയിരുന്നു സോഷ്യല്‍ മീഡിയ. എന്നാല്‍ ഇന്നലെ ക്രിക്കറ്റ് താരം ശ്രീശാന്ത് ബാലയുടെ ഭാര്യയെ ആരാധകര്‍ക്ക് പരിചയപ്പെടുത്തിയിരുന്നു.
ബാലയുടെ ഫേസ്ബുക്ക് പേജില്‍ പങ്കുവച്ച വീഡിയോയിലാണ് ശ്രീശാന്ത് ബാലയുടെ ഭാര്യയെ പരിചയപ്പെടുത്തിയത്. എന്നാല്‍ പേരോ മറ്റ് കാര്യങ്ങളോ താരം പറഞ്ഞിരുന്നില്ല
എലിസബത്ത് ഉദയന്‍ എന്നാണ് ബാലയുടെ പുതിയ ഭാര്യയുടെ പേര് എന്നാണ് ആരാധകര്‍ കണ്ടെത്തിയിരിക്കുന്നത്. ഇരുവരും കുടുംബ സുഹൃത്തുക്കളാണ്. പ്രണയ വിവാഹമായിരുന്നുവെന്നാണ് സൂചന.
എലിസബത്തിന് ബാലയെ നേരത്തെ മുതല്‍ ഇഷ്ടമായിരുന്നു. എന്നാല്‍ ഒരു വിവാഹ തകര്‍ച്ചയില്‍ നില്‍ക്കുന്നതിനാല്‍ ആദ്യമൊന്നും ബാല ഈ വിവാഹത്തിന് സമ്മതിച്ചിരുന്നില്ല എന്നാണ് റിപ്പോര്‍ട്ടുകള്‍.
എലിസബത്ത് ഒരു ഡോക്ടറാണ്. ഒരു യൂട്യൂബ് ചാനലും താരത്തിനുണ്ട്. നേരത്തെ സോഷ്യല്‍ മീഡിയയില്‍ താരം സജീവമായിരുന്നു. ഒരു ട്രോളത്തിയായിരുന്നു എലിസബത്ത്. എന്നാല്‍ ഇപ്പോള്‍ സോഷ്യല്‍ മീഡിയയില്‍ സജീവമല്ല.
എന്തായാലും ബാലയുടെ ആരാധകര്‍ വിവാഹ വാര്‍ത്ത ഇരുകൈയ്യും നീട്ടിയാണ് സ്വീകരിച്ചിരിക്കുന്നത്. നിരവധി ആരാധകരാണ് ആശംസയുമായി എത്തുന്നത്