സംസ്ഥാനത്ത് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. ശക്തമായ മഴയ്ക്ക് സാധ്യതയുള്ളതിനാല് ഇന്ന് രണ്ട് ജില്ലകളില് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. ഇടുക്കി, പത്തനംതിട്ട എന്നീ ജില്ലകളിലാണ് ഇന്ന് ഓറഞ്ച് അലേര്ട്ട് പ്രഖ്യാപിച്ചിരിക്കുന്നത്. വരുന്ന ചൊവ്വാഴ്ചയോടെ അറബിക്കടലില് ന്യൂനമര്ദം രൂപപ്പെടാനുള്ള സാഹചര്യമുണ്ടെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. ഇടുക്കി, മലപ്പുറം ജില്ലകളില് ചൊവ്വാഴ്ച ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്.
മാത്രമല്ല, ബുധനാഴ്ച കോഴിക്കോട് ജില്ലയിലും ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. അതേസമയം, ഇന്ന് പത്ത് ജില്ലകളിലും ചൊവ്വാഴ്ച ആറ് ജില്ലകളിലും യെല്ലോ അലേര്ട്ട് പ്രഖ്യാപിച്ചിട്ടുണ്ട്. എന്നാല്, കേരള തീരത്ത് മത്സ്യബന്ധനത്തിന് വിലക്കേര്പ്പെടുത്തിയിട്ടില്ല. മഴ മുന്നറിയിപ്പിനോടൊപ്പം തന്നെ ഇടിമിന്നല് ജാഗ്രതാ നിര്ദേശവും നല്കിയിട്ടുണ്ട്.