തിരുവനന്തപുരം: സംസ്ഥാനത്ത് സ്കൂളുകള് പുനരാരംഭിക്കാനുള്ള മൈക്രോപ്ലാനുകള് തയാറാക്കുന്ന വേളയില് അതിനാവശ്യമായ എല്ലാ പിന്തുണയും നല്കിക്കൊണ്ട് തദ്ദേശ സ്വയംഭരണ സ്ഥാപനങ്ങള് നേതൃ തലത്തിലേക്കുയരണമെന്ന് മന്ത്രി എം.വി. ഗോവിന്ദന്.
അയല്ക്കൂട്ട സമിതികള് രൂപീകരിച്ചുകൊണ്ട് സെപ്റ്റംബര് ആദ്യവാരം തന്നെ കോവിഡ് പ്രതിരോധ പ്രവര്ത്തനങ്ങള് ശക്തിപ്പെടുത്താന് തദ്ദേശ സ്വയംഭരണ വകുപ്പ് നടപടികള് സ്വീകരിച്ചിരുന്നു. സംസ്ഥാന സര്ക്കാര് ആഹ്വാനം ചെയ്തിട്ടുള്ള സമ്ബൂര്ണ കോവിഡ് വാക്സിനേഷനെന്ന ലക്ഷ്യം പൂര്ത്തീകരിക്കാന് സംസ്ഥാനത്തെ എല്ലാ വാര്ഡ് തല സമിതികളും രംഗത്തിറങ്ങണമെന്നും മന്ത്രി പറഞ്ഞു.
വാര്ഡ് തല കമ്മറ്റികള് അടിയന്തരമായി വിളിച്ച് ചേര്ത്ത് കര്മ്മ പദ്ധതികള് തയാറാക്കി, വാക്സിനേഷന് കുറവുകള് പരിഹരിക്കാനുള്ള പ്രവര്ത്തനങ്ങള് ഊര്ജിതപ്പെടുത്തണമെന്നും മന്ത്രി കൂട്ടിച്ചേര്ത്തു.