തിരുവനന്തപുരം: കേരളത്തില് അടുത്ത നാലു ദിവസം ശക്തമായ മഴയ്ക്ക് സാധ്യതയെന്ന് കേന്ദ്രകാലാവസ്ഥ വകുപ്പിന്റെ മുന്നറിയിപ്പ്. ഒക്ടോബര് 13 വരെ അതിതീവ്ര മഴ തുടരുമെന്നാണ് കാലാവസ്ഥ നിരീക്ഷണ കേന്ദ്രം അറിയിച്ചിരിക്കുന്നത്. ഈ പശ്ചാത്തലത്തില് അടുത്ത ദിവസങ്ങളില് വിവിധ ജില്ലകളില് ഓറഞ്ച്, യെല്ലോ അലേര്ട്ടുകള് പ്രഖ്യാപിച്ചിട്ടുണ്ട്. ഇന്ന് തെക്കന് കേരളത്തിലെ തിരുവന്തപുരം, പത്തനംതിട്ട ജില്ലകളില് രാവിലെ മുതല് കനത്ത മഴ തുടരുകയാണ്. ജനങ്ങളോട് ജാഗ്രതാപാലിക്കണമെന്ന് ജില്ലാ കലക്ടര് നിര്ദേശം നല്കി. തൃശ്ശൂര്, വയനാട്, കണ്ണൂര് ജില്ലകള് ഒഴികെയുള്ള പത്ത് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
തിങ്കള്, ചൊവ്വ, ബുധന് ദിവസങ്ങളില് കൊല്ലം, പത്തനംതിട്ട, ആലപ്പുഴ, കോട്ടയം ഇടുക്കി, എറണാംകുളം ജില്ലകളില് ഓറഞ്ച് അലര്ട്ടാണ് പ്രഖ്യാപിച്ചിരിക്കുന്നത്. മഴ തുടരുന്ന സാഹചര്യത്തില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണമെന്നും കാലാവസ്ഥ വകുപ്പ് അറിയിച്ചു