വണ്ടിപ്പെരിയാര്: മുല്ലപ്പെരിയാര് ഡാമിന്റെ വൃഷ്ടിപ്രദേശത്തുണ്ടായ ശക്തമായ മഴയെത്തുടര്ന്ന് രാത്രിയില് മുന്നറിയിപ്പില്ലാതെ ഡാം തുറന്നു വിട്ടു.
ഇത് പെരിയാറിന്റെ തീര പ്രദേശങ്ങളില് പരിഭ്രാന്തി സൃഷ്ടിച്ചു.
ഡാമില് സുപ്രീംകോടതി അനുവദിച്ച 142 അടി വെള്ളം ഉയര്ന്നതോടെയാണ് അതിരാവിലെ 3.30നോടെ സ്പില്വേ കൂടുതലായി തുറന്നത്. ഇത് വണ്ടിപ്പെരിയാര് വികാസ് നഗര് തീരദേശവാസികളെ പരിഭ്രാന്തിയിലാക്കി. 200 കുടുംബങ്ങളാണ് ഇവിടെയുള്ളത്. ഇവര്ക്ക് ജോലിക്കോ മറ്റാവശ്യങ്ങള്ക്കോ പുറത്തിറങ്ങാന് കഴിയാത്ത അവസ്ഥയായിരുന്നു.
വൈകുന്നേരത്തോടെ മഴക്ക് ശമനമായതോടെ ഷട്ടറുകള് താഴ്ത്തുകയും ജലനിരപ്പ് കുറയുകയും ചെയ്തതോടെയാണ് പെരിയാറിലെ ജലനിരപ്പ് താഴ്ന്നത്.