തൃശൂര്: ഇരിങ്ങാലക്കുടയില് രണ്ട് പേരുടെ മരണത്തിനിടയാക്കിയ സംഭവത്തില് ഫോര്മലിന് കലര്ന്നത് അബദ്ധത്തിലാവാമെന്ന് പൊലീസ് പ്രാഥമിക നിഗമനം.
കൂടുതല് വ്യക്തതക്കായി സി.സി.ടി.വി ദൃശ്യങ്ങള് പരിശോധിക്കുകയാണ് പൊലീസ്. ചന്തക്കുന്ന് കണ്ണമ്ബിള്ളി വീട്ടില് നിശാന്ത്. എടതിരിഞ്ഞി അണക്കത്തിപ്പറമ്ബില് ബിജു എന്നിവരാണ് കഴിഞ്ഞ ദിവസം മദ്യം കഴിച്ച് അവശനിലയിലായി മരിച്ചത്. നിശാന്തിെന്റ രണ്ട് കടകളിലെ ദൃശ്യങ്ങള് പൊലീസ് പരിശോധിച്ചു.
അസ്വാഭാവികമായി ഒന്നും അറിയാനായിട്ടില്ലെന്നാണ് പൊലീസ് പറയുന്നത്. ഈ സാഹചര്യത്തില് മദ്യത്തിലേക്ക് വെള്ളമാണെന്ന് കരുതി അബദ്ധത്തില് ഫോര്മലിന് ചേര്ത്തതാണെന്ന നിഗമനത്തില് പൊലീസ് എത്തിയിരിക്കുന്നത്. വൈകീട്ടാണ് ഇരുവരും ചേര്ന്ന് മദ്യപിക്കുന്നത്. റോഡിനോട് ചേര്ന്നാണ് ഇരുവരുടെയും കടകള്. മറ്റ് യാത്രക്കാര്ക്ക് സംശയം തോന്നാതിരിക്കാന് വെള്ളത്തിന് അരികിലായി തന്നെ വെച്ചിരുന്ന ഫോര്മലിന് ഇരുട്ടില് മാറിയതാവാമെന്നാണ് കരുതുന്നത്.
ഫോര്മലിന് ഇവര്ക്ക് ലഭിച്ചതിെന്റ ഉറവിടവും കഴിക്കാനുണ്ടായ സാഹചര്യവുമാണ് പൊലീസ് അന്വേഷിക്കുന്നത്. കോഴി ഫാമുകളില് അണുനശീകരണത്തിന് ഇത് ഉപയോഗിക്കാറുണ്ട്. രൂക്ഷമായ ഗന്ധവും എരിച്ചിലും ഉണ്ടാക്കുന്ന ദ്രാവകമാണ് ഫോര്മലിന്. ഫോര്മലിന് അല്പം മാത്രം സൂക്ഷിച്ചിരുന്ന കുപ്പിയിലേക്ക് അറിയാതെ വെള്ളം നിറച്ചതിനാലാകും മദ്യപിക്കുന്നതിനിടെ തീവ്രത ഇരുവരും അറിയാതിരുന്നത് എന്നാണ് കരുതുന്നത്. ഫോര്മലിന് സൂക്ഷിക്കാന് ലൈസന്സ് ആവശ്യമില്ലാത്തിനാല് ഉറവിടം കണ്ടെത്തുന്നതും പ്രയാസകരമാണ്.