ന്യൂഡല്ഹി: ഇരട്ടിപ്പ് ഒഴിവാക്കാനെന്ന് അവകാശപ്പെട്ട് വോട്ടര്പട്ടികയും ആധാറും തമ്മില് ബന്ധിപ്പിക്കുന്നതടക്കമുള്ള തെരഞ്ഞെടുപ്പ് പരിഷ്കാരങ്ങള് മുന്നോട്ടുവെക്കുന്ന ബില് തിങ്കളാഴ്ച ലോക്സഭയില് അവതരിപ്പിക്കും.
വോട്ടര്പട്ടികയില് പേരു ചേര്ക്കുന്നതിന് തിരിച്ചറിയല് രേഖയായി ആധാര് നമ്ബര് ആവശ്യപ്പെടാന് ഇലക്ടറല് ഓഫിസര്മാര്ക്ക് അനുമതി നല്കുന്നതടക്കമുള്ള പരിഷ്കാരങ്ങള് തിങ്കളാഴ്ച അവതരിപ്പിക്കുന്ന തെരഞ്ഞെടുപ്പു നിയമങ്ങള് (ഭേദഗതി) ബില് 2021ല് ഉള്പ്പെടുത്തിയിട്ടുണ്ട്. വോട്ടര്പട്ടികയില് പേരുള്ളവരുടെ വിവരങ്ങള് സ്ഥിരീകരിക്കാനും രണ്ടു മണ്ഡലങ്ങളിലായി പേരുണ്ടോയെന്നും ഒരേ മണ്ഡലത്തില് ഒന്നിലേറെ തവണ പേരുചേര്ത്തിട്ടുണ്ടോ എന്നുമെല്ലാം പരിശാധിക്കാന് ആധാര് നമ്ബര് ആവശ്യപ്പെടാന് ഉദ്യോഗസ്ഥര്ക്ക് ബില് അധികാരം നല്കും.
അതേസമയം, മതിയായ കാരണങ്ങളാല് ആധാര് കാര്ഡ് ഹാജരാക്കാനോ നമ്ബര് നല്കാനോ കഴിയാത്തവരുടെ അപേക്ഷ നിരസിക്കാനോ പട്ടികയിലുള്ള പേരുകള് നീക്കാനോ പാടില്ലെന്നും ബില് വ്യവസ്ഥ ചെയ്യുന്നുണ്ട്. അത്തരക്കാര്ക്ക് മറ്റു േരഖകള് ഹാജരാക്കാം.അവതരിപ്പിക്കുന്നതിനു മുന്നോടിയായി ലോക്സഭാംഗങ്ങള്ക്ക് വിതരണം ചെയ്ത ബില് പ്രകാരം, ‘ജനപ്രാതിനിധ്യ നിയമം 1950, 52’ െന്റ വിവിധ വകുപ്പുകളിലും ഭേദഗതി നിര്ദേശിക്കുന്നുണ്ട്.
വോട്ടര്പട്ടികയില് പേരുചേര്ക്കുന്നതിനായി വയസ്സു കണക്കാക്കുന്ന ജനുവരി ഒന്ന് എന്ന ഏക തീയതി മാറ്റി നാലു തീയതികള് എന്നാക്കും. ജനുവരി ഒന്നിനു പുറമെ, ഏപ്രില് ഒന്ന്, ജൂലൈ ഒന്ന്, ഒക്ടോബര് ഒന്ന് എന്നിവയും യോഗ്യത തീയതിയായി പരിഗണിക്കും. സര്വിസ് വോട്ടര്മാരുടെ (സേനാംഗങ്ങളും അവരുടെ ജീവിത പങ്കാളികളും) വിവരങ്ങള് ചേര്ക്കുന്ന ചോദ്യാവലിയില് ‘ഭാര്യ’ എന്നതിനു പകരം ‘പങ്കാളി’ എന്ന ലിംഗസമത്വ വാക്ക് ഉപയോഗിക്കും.
ഭാര്യ എന്ന വാക്കു കാരണം സേനാംഗങ്ങളുടെ ഭാര്യമാരെ മാത്രമേ നിലവില് സര്വിസ് വോട്ടറായി പരിഗണിച്ചിരുന്നുള്ളൂ. വനിത സേനാംഗത്തിെന്റ ഭര്ത്താവിനെ ഇങ്ങനെ കണക്കാക്കിയിരുന്നില്ല. ’ജീവിത പങ്കാളി’ എന്ന ഭേദഗതി വരുന്നതോടെ ഇതിനു മാറ്റംവരും.