വാഹനം തടഞ്ഞു നിര്ത്തി യുവാവ് തെറി വിളിച്ച സംഭവത്തില് പ്രതികരണവുമായി മുന് മന്ത്രി എം.എം. മണി .
‘വാഹനത്തില് നിന്ന് ഇറങ്ങിച്ചെന്നപ്പോള് എം.എല്.എ. ആണെന്നൊന്നും നോക്കില്ലെന്ന് പറഞ്ഞ് ചീത്ത വിളിച്ചു. ഇത്തരമൊരു സംഭവം ജീവിതത്തില് ആദ്യമാണ്. ഒരു വിവരമില്ലാത്ത ചെറുക്കനാണ് ‘ എം എം മണി പറഞ്ഞു.
ഒരു കാര്യവുമില്ലായിരുന്നു . അതിന് അവന്റെ വണ്ടി എന്റെ വണ്ടിയുടെ കൂടെ ഓടിയിട്ടു പോലുമില്ല . അത് ജീപ്പല്ലേ , നമ്മുടേത് ഇന്നോവയാണ് . വളവില് ഞാന് വണ്ടി കയറ്റി എടുത്തു . അവന് വീണ്ടും വണ്ടി കൊണ്ടുവന്നു വയ്ക്കുകയാണ് . ഇത് ആസൂത്രിതമൊന്നുമല്ല . ആ ചെറുക്കന് എന്തുപറ്റിയെന്ന് ഒരു പിടിയുമില്ല . എന്താ സംഭവം എന്നറിയാന് ഇറങ്ങിച്ചെന്നപ്പോള് പറയുന്നത് എം എല് എ ആണെന്ന് നോക്കില്ലെന്നാണ് – എം എം മണി പറഞ്ഞു.
ഇടുക്കി രാജാക്കാട്ടാണു സംഭവം. കുഞ്ചിത്തണ്ണി സ്വദേശി മാട്ടയില് അരുണ് ആണ് അസഭ്യം പറഞ്ഞത്. എംഎല്എയുടെ വാഹനം അരുണിന്റെ വാഹനത്തെ മറികടന്നു പോയതാണ് പ്രകോപനമായത്. തുടര്ന്ന് വാഹനം തടഞ്ഞു നിര്ത്തി അരുണ്, എം.എം.മണിക്കു നേരെ അസഭ്യവര്ഷം നടത്തുകയായിരുന്നു.