തിരുവനന്തപുരം:സംസ്ഥാനത്ത് ഇന്ന് ഇടിമിന്നലോടുകൂടിയ മഴയ്ക്ക് സാധ്യത.12 ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
മത്സ്യബന്ധന വിലക്ക് തുടരുകയാണ്. കാര്മേഘം കാണുമ്ബോള് മുതല് തന്നെ മുന്കരുതല് സ്വീകരിക്കണമെന്നും ഇടിമിന്നല് ദൃശ്യമല്ല എന്നതിനാല് ഇത്തരം മുന്കരുതല് സ്വീകരിക്കാതിരിക്കരുതെന്നും സംസ്ഥാന ദുരന്തനിവാരണ അതോറിറ്റി നിര്ദേശിച്ചു.
ഇടിമിന്നലിന്റെ ലക്ഷണം കണ്ടാല് ജനലും വാതിലും അടച്ചിടണം. തുറസായസ്ഥലങ്ങളില് നില്ക്കുന്നത് ഒഴിവാക്കണം. ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കണം. വൈദ്യുതി ഉപകരണങ്ങളുമായി അകലം പാലിക്കണം.ഇടിമിന്നല് സമയത്ത് ടെറസിലോ ഉയരമുള്ള സ്ഥലങ്ങളിലോ വൃക്ഷക്കൊമ്ബിലോ ഇരിക്കുന്നത് അപകടകരമാണ്. അന്തരീക്ഷം മേഘാവൃതമാണെങ്കില്, തുറസായ സ്ഥലത്തും, ടെറസ്സിലും കുട്ടികളെ കളിക്കാന് അനുവദിക്കരുത്.
ഇടിമിന്നല് സമയങ്ങളില് വാഹനത്തിനകത്ത് സുരക്ഷിതരാണെങ്കില് വാഹനമോടിക്കുന്നവര് അതിനുള്ളില് തുടരണം. സൈക്കിള്, ബൈക്ക്, ട്രാക്ടര് തുടങ്ങിയ വാഹനങ്ങളിലുള്ള യാത്ര ഒഴിവാക്കണമെന്നും സംസ്ഥാന ദുരന്തനിവാരണ അതോറിറ്റിയുടെ ജാഗ്രതാ നിര്ദേശത്തില് പറയുന്നു