നിലമ്ബൂര്‍: വഴിക്കടവ് ആനമറി എക്സൈസ് ചെക്ക്പോസ്റ്റില്‍ നിന്നും 65 ലക്ഷത്തോളം രൂപയുടെ കഞ്ചാവ് പിടികൂടി.സ്റ്റേറ്റ് എക്സൈസ് എന്‍ഫോഴ്സ്മെന്‍റും ചെക്ക്പോസ്റ്റ് അധികൃതരും ചേര്‍ന്നാണ് ഈ വന്‍ കഞ്ചാവ് വേട്ട നടത്തിയത്.സ്വാതന്ത്ര്യദിനം, ഓണം എന്നിവ ലക്ഷ‍്യംവെച്ച്‌ ആന്ധ്രയില്‍നിന്നും കാറില്‍ കടത്തിയ 132.3 കിലോ കഞ്ചാവ് വ‍്യാഴാഴ്ച രാത്രി പത്തോടെയാണ് അധികൃതര്‍ പിടിച്ചെടുത്തത്.
സംഭവവുമായി ബന്ധപ്പെട്ട് പിടിയിലായ കൊണ്ടോട്ടി തവനൂര്‍ കൈതമൂല അബ്ദുല്‍ സമദ് (23), അരീക്കോട് കുഴിമണ്ണ മഠത്തിങ്കല്‍ ഷെഫീഖ് (23), കോഴിക്കോട് പേരാമ്ബ്ര പന്തീരാങ്കാവ് കുഴിപ്പള്ളി അമല്‍ (24), പത്തനംതിട്ട അടൂര്‍ സ്വദേശിയും തിരൂരില്‍ താമസിക്കുകയും ചെയ്യുന്ന പ്ലാവില വടക്കേതില്‍ ഷഹദ് (22), കൊണ്ടോട്ടി കിഴിശ്ശേരി കണ്ണാടിപറമ്ബില്‍ നവാസ് ഷെരീഫ് (22) എന്നിവരെ മഞ്ചേരി കോടതി റിമാന്‍ഡ് ചെയ്തു. പ്രതികള്‍ ജില്ല കേന്ദ്രീകരിച്ചുള്ള ഏജന്‍സികള്‍ക്ക് കഞ്ചാവ് എത്തിച്ചുകൊടുക്കുന്ന സംഘത്തില്‍പെട്ടവരാണെന്ന് എക്സൈസ് സംഘം പറഞ്ഞു