കോഴിക്കോട്: വിവാഹദിനത്തില് വധുവിനെ തൂങ്ങിമരിച്ച നിലയില് കണ്ടെത്തി.
കാളാണ്ടിത്താഴം നങ്ങോലത്ത് സുരേഷ് ബാബുവിന്റെ മകള് മേഘയാണ് (29) മരിച്ചത്.
പാലത്ത് സ്വദേശിയുമായി മേഘയുടെ വിവാഹം ഞായറാഴ്ച നടക്കാനിരിക്കുകയായിരുന്നു. ശനിയാഴ്ച രാത്രി മേഘക്കൊപ്പം ബന്ധുക്കളായ പെണ്കുട്ടികളും മുറിയിലുണ്ടായിരുന്നു. ഇവര് വസ്ത്രം മാറാനായി നാലരയോടെ സ്വന്തം വീടുകളിലേക്ക് പോയി. രാവിലെ അഞ്ചരക്ക് ബ്യൂട്ടീഷന് പെണ്കുട്ടിയെ ഒരുക്കാന് എത്തിയപ്പോള് വാതില് തുറന്നില്ല. തുടര്ന്ന് ബന്ധുക്കള് വാതില് തകര്ത്ത് അകത്തുകയറി നോക്കിയപ്പോഴാണ് തൂങ്ങിമരിച്ച നിലയില് കണ്ടത്. സുനിലയാണ് മേഘയുടെ മാതാവ്. സഹോദരന്: ആകാശ്. ചേവായൂര് പൊലീസ് കേസെടുത്ത് അന്വേഷണം തുടങ്ങി.