കയ്പമംഗലം: മാരക മയക്കുമരുന്നായ ഹാഷിഷ് ഓയിലുമായി രണ്ടുപേര് പൊലീസ് പിടിയില്. കയ്പമംഗലം ചളിങ്ങാട് പോക്കാക്കില്ലത്ത് നഹാസും (21) പ്രായപൂര്ത്തിയാകാത്ത ഒരാളുമാണ് പിടിയിലായത്.
മയക്കുമരുന്ന് വില്പനക്കായി ബൈക്കില് എത്തിയ ഇരുവരേയും പൊലീസ് സംഘം വളഞ്ഞിട്ട് പിടികൂടുകയായിരുന്നു. പരിശോധനയില് ഇവര് സഞ്ചരിച്ച വാഹനത്തില് നിന്ന് ഹാഷിഷ് ഓയില് കണ്ടെടുത്തു.
തൃശൂര് റൂറല് ജില്ല പൊലീസ് മേധാവി ഐശ്വര്യ ഡോങ്ങ്ഗ്രേ ഐ.പി.എസിന്റെ നിര്ദേശ പ്രകാരം കൊടുങ്ങല്ലൂര് ഡിവൈ.എസ്.പി സലീഷ് എന്. ശങ്കരന്റെ നേതൃത്വത്തില് ആണ് പ്രതികളെ അറസ്റ്റ് ചെയ്തത്. പ്രതികളെ അറസ്റ്റ് ചെയ്ത് ചോദ്യം ചെയ്തതിലൂടെ മൈസൂരില് നിന്നാണ് ഹാഷിഷ് ഓയില് കൊണ്ടുവരുന്നതെന്ന് വെളിപ്പെടുത്തി.
ജില്ല ലഹരി വിരുദ്ധ സ്ക്വാഡ് എസ്.ഐ എം.പി. മുഹമ്മദ് റാഫി, കയ്പമംഗലം എസ്.ഐ മനോജ്, എസ്.ഐമാരായ പി.സി. സുനില്, ഗോഗുല്, എ.എസ്.ഐമാരായ സി.ആര്. പ്രദീപ്, പി. ജയകൃഷ്ണന്, ടി.ആര്. ഷൈന്, സീനിയര് സി.പി.ഒമാരായ സൂരജ് വി. ദേവ്, മിഥുന് കൃഷ്ണ, നജീബ് പി. ബാവ, സി.പി.ഒമാരായ ഷറഫുദീന്, എം.വി. മാനുവല്, നിഷാന്ത് എന്നിവരടങ്ങിയ സംഘമാണ് ചളിങ്ങാട് നിന്ന് ഇവരെ പിടികൂടിയത്. പ്രതികളെ കോടതിയില് ഹാജരാക്കും