പൊൻകുന്നം: ജലഅതോറിറ്റി ഡയറക്ടർ ബോർഡ് അംഗമായി ഷാജി പാമ്പൂരിയെ നിയമിച്ചു. കേരള കോൺഗ്രസ് (എം) സംസ്ഥാന സമിതി അംഗവും വാഴൂർ ബ്ലോക്ക് പഞ്ചായത്ത് വികസനകാര്യ സ്ഥിരം സമിതി അധ്യക്ഷനുമാണ്. സംസ്ഥാനത്തെ ത്രിതല പഞ്ചായത്ത് അംഗങ്ങളുടെ പ്രതിനിധിയായിട്ടാണ് നിയമിച്ചത്. ചിറക്കടവ് പഞ്ചായത്തംഗം, ബ്ലോക്ക് പഞ്ചായത്ത് വൈസ്പ്രസിഡന്റ് എന്നീ നിലകളിൽ ദീർഘകാലം പ്രവർത്തിച്ചു. പാലാ സെന്റ് തോമസ് കോളേജ് യൂണിയൻ ചെയർമാൻ, കെ.എസ്.സി.(എം) ജില്ലാ പ്രസിഡന്റ്, സംസ്ഥാന ഓഫീസ്ചാർജ് ജനറൽ സെക്രട്ടറി, യൂത്ത് ഫ്രണ്ട് (എം) ചിറക്കടവ് മണ്ഡലം പ്രസിഡന്റ്, സംസ്ഥാന ജനറൽ സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്. പൊൻകുന്നം മാർക്കറ്റിങ് സഹകരണ സംഘം പ്രസിഡന്റും കാഞ്ഞിരപ്പള്ളി അഗ്രികൾച്ചറൽ ആന്റ് പ്രൊഡ്യൂസേഴ്സ് കമ്പനി (കാഡ്കോ) ഡയറക്ടർ ബോർഡ് അംഗവുമാണ്
Facebook Comments Box