മോഹൻലാലും സംവിധായകൻ ഭദ്രനും വീണ്ടും ഒന്നിക്കുന്നു. ഭദ്രൻ തന്നെയാണ് ഇക്കാര്യം അറിയിച്ചത്. വലിയ ബജറ്റിൽ ഒരുങ്ങുന്ന സിനിമയ്ക്കായി മോഹൻലാൽ താടിയെടുക്കുമെന്നും അദ്ദേഹം ദി ഫോർത്തിന് നൽകിയ അഭിമുഖത്തിൽ വ്യക്തമാക്കി.തന്റെ മനസിൽ മൂന്ന്-നാല് സിനിമകളുണ്ട്. അതിലൊന്ന് മോഹൻലാലിനൊപ്പമാണ്. നിലവിലുള്ള രൂപത്തിലായിരിക്കില്ല മോഹൻലാൽ ആ ചിത്രത്തിലെത്തുക എന്ന് ഭദ്രൻ പറഞ്ഞു. നിലവിലെ മോഹൻലാലിനെ കണ്ട് പ്രേക്ഷകർക്ക് മടുത്തില്ലേയെന്നും അദ്ദേഹം ചോദിച്ചു. നാല് വർഷത്തിലേറെയായി ചർച്ച തുടങ്ങിയ സിനിമയാണിതെന്നും പാൻ ഇന്ത്യൻ ലെവലിലായിരിക്കും ഇതൊരുങ്ങുക എന്നും അദ്ദേഹം കൂട്ടിച്ചേർത്തു.
Facebook Comments Box