കിഴതടിയൂർ ബാങ്ക് തട്ടിപ്പ് കാപ്പന്റെയും കുടുംബത്തിന്റെ യും വസ്തു ലേല നടപടികൾ ആരംഭിച്ചു.

പാലാ : പാലായിലെ പ്രമുഖ സഹകരണ ബാങ്കായിരുന്ന കിഴതടിയൂർ സർവീസ് സഹകരണ ബാങ്കിൽ നിന്നും വൻ തുകകൾ ലോണെടുത്ത ശേഷം കുടിശിക വരുത്തി ബാങ്കിനെ നഷ്ടത്തിലാക്കിയവരുടെ സ്ഥാവര ജംഗമ വസ്തുക്കൾ ജപ്തി ചെയ്യുന്നതിനുള്ള നോട്ടീസ് ബാങ്ക് പുറപ്പെടുവിച്ചു

പാലാ എം എൽ എ മാണി സി കാപ്പന്റെ സഹോദരനും ബാങ്കിന്റെ മുൻ പ്രസിഡന്റുമായിരുന്ന ജോർജ് സി കാപ്പനും കുടുംബവുമാണ് പട്ടികയിൽ ഒന്നാമതുള്ളത്. അവർ അടക്കാനുള്ള തുക 36 216 201.33. അതായത് 3 കോടി 62 ലക്ഷത്തി 16 ആയിരത്തി 201 രൂപ 33 പൈസയാണ്.

കാപ്പന്റെയും ബാക്കി 11 പേരുടെയും സ്ഥാവര ജംഗമ വസ്തുക്കൾ ജനുവരി 30 ആം തിയതി ലേലം ചെയ്ത് ബാങ്കിന് ലഭിക്കാനുള്ള തുക ഈടാക്കുമെന്ന് സ്പെഷ്യൽ സെയിൽ ഓഫീസർ അറിയിച്ചു.