മയക്കുമരുന്ന് കടത്ത് കേസില്‍ യുവാവിന് 50 വര്‍ഷം തടവും അഞ്ച് ലക്ഷം രൂപ പിഴയും വിധിച്ച്‌ കോടതി

മയക്കുമരുന്ന് കടത്ത് കേസില്‍ യുവാവിന് 50 വര്‍ഷവും മൂന്ന് മാസവും തടവും അഞ്ച് ലക്ഷം രൂപ പിഴയും വിധിച്ച്‌ കോടതി.

കോഴിക്കോട് കല്ലായി ആനമാട് കദീജ മഹലില്‍ ഷക്കീല്‍ ഹർഷാദിനെയാണ് ശിക്ഷിച്ചത്. കേസില്‍ വാദം കേട്ട വടകര എൻ ഡി പി എസ് കോടതിയാണ് ശിക്ഷ വിധിച്ചത്.

2022 ഓഗസ്റ്റ് 18 നാണ് കേസിനാസ്പദമായ സംഭവം നടന്നത്. സ്കൂട്ടറില്‍ കടത്തുകയായിരുന്ന 112.60 ഗ്രാം എം ഡി എം എയു യാണ് പ്രതിയില്‍ നിന്ന് പോലീസ് പിടികൂടിയത്. തുടർന്ന് നടത്തിയ അന്വേഷണത്തില്‍ ഇയാളുടെ താമസ സ്ഥലത്ത് നിന്ന് 99.98 ഗ്രാം മെത്തഫിറ്റമിൻ, 76.2 ഗ്രാം എം ഡി എം എ, എക്സ്റ്റസി പില്‍സ്,7.38 ഗ്രാം എല്‍ എസ് ഡി, 9.730 ഗ്രാം ഹാഷിഷ് ഓയില്‍ എന്നിവയും പിടികൂടിയിരുന്നു.