പെട്രോളിനും ഡീസലിനും പിന്നാലെ വെള്ളത്തിൻ്റെ ചാർജും വർദ്ധിക്കും: സൂചന നൽകി ഡി കെ ശിവകുമാർ
ബംഗളൂരു: ബംഗളൂരുവിലെ ജലനിരക്ക് വർധിപ്പിക്കാൻ സാധ്യതയുണ്ടെന്ന് കർണാടക ഉപമുഖ്യമന്ത്രി ഡികെ ശിവകുമാർ വീണ്ടും സൂചന നല്‍കി.
നഷ്ടത്തിലായ ബെംഗളൂരു വാട്ടർ സപ്ലൈ ആൻഡ് ജല ബോർഡിന് (ബിഡബ്ല്യുഎസ്‌എസ്ബി) പുതിയ പദ്ധതികള്‍ ഏറ്റെടുക്കാൻ കഴിഞ്ഞിട്ടില്ലെന്നും വൈദ്യുതി ബില്ലും
ജീവനക്കാർക്ക് ശമ്ബളവും നല്‍കാൻ പോലും പണമില്ലെന്നും ബെംഗളൂരു വികസനത്തിൻ്റെ ചുമതലയുള്ള മന്ത്രി കൂടിയായ ശിവകുമാർ പറഞ്ഞു.
“എട്ട് മുതല്‍ ഒമ്ബത് വർഷത്തേക്ക് വെള്ളത്തിൻ്റെ വില വർധിപ്പിക്കാൻ ഒരു നിർദ്ദേശമുണ്ട്. നമുക്ക് വിപുലീകരിക്കണം (വിതരണം), സംരക്ഷിക്കണം, ഭൂഗർഭജലത്തിൻ്റെ അളവ് വർദ്ധിപ്പിക്കണം. ജനസംഖ്യ വർദ്ധിക്കുന്നു,” അദ്ദേഹം പറഞ്ഞു.
” BWSSB നഷ്ടത്തിലാണ് പ്രവർത്തിക്കുന്നത്, വൈദ്യുതി ബില്ലടക്കാൻ പണമില്ല, ശമ്ബളം നല്‍കാൻ പണമില്ല. എങ്ങനെ കാര്യങ്ങള്‍ ചെയ്യും? വേറെ വഴിയില്ല. എല്ലാവർക്കും താരിഫ് വർദ്ധിപ്പിക്കാൻ ഞങ്ങള്‍ക്ക് കഴിയില്ല. , ചില വിഭാഗങ്ങള്‍ക്കായി ഞങ്ങള്‍ അത് ചെയ്യേണ്ടി വന്നേക്കാം…ഇതുവരെ തീരുമാനമൊന്നും എടുത്തിട്ടില്ല എത്ര തുക വർദ്ധിപ്പിക്കണമെന്ന്ഞാൻ ക്യാബിനറ്റിലും പൗരന്മാരുമായും ചർച്ച ചെയ്ത് ചെയ്യും,” അദ്ദേഹം കൂട്ടിച്ചേർത്തു.
അതേസമയം , ശിവകുമാർ ജൂണിലും നഗരത്തിലെ പ്രതിമാസ വാട്ടർ ചാർജ് വർധിപ്പിക്കാൻ സാധ്യതയുണ്ടെന്ന് അഭിപ്രായപ്പെട്ടിരുന്നു. നഷ്ടത്തിലായ ബിഡബ്ല്യുഎസ്‌എസ്ബിക്ക് പുതിയ പദ്ധതികള്‍ ഏറ്റെടുക്കാൻ കഴിഞ്ഞിട്ടില്ലെന്നും അദ്ദേഹം പറഞ്ഞിരുന്നു. പെട്രോളിൻ്റെയും ഡീസലിൻ്റെയും വില യഥാക്രമം ലിറ്ററിന് 3 രൂപയും 3.5 രൂപയും വർധിപ്പിച്ച്‌ ഇന്ധനത്തിൻ്റെ വില്‍പ്പന നികുതി വർധിപ്പിച്ച്‌ ഒരാഴ്ചയ്ക്ക് ശേഷമാണ് അദ്ദേഹത്തിൻ്റെ പ്രസ്താവന വന്നത്.
