വത്തിക്കാൻ : ഫ്രാന്സിസ് മാര്പാപ്പയുമായി കൂടിക്കാഴ്ച്ചക്കെത്തിയ ഇന്ത്യൻ പ്രധാനമന്ത്രി നരേന്ദ്ര മോദിക്ക് ഊഷ്മള സ്വീകരണം.
വിദേശകാര്യമന്ത്രി എസ്.ജയശങ്കർ, ദേശീയ സുരക്ഷാ ഉപദേഷ്ടാവ് അജിത് ഡോവൽ തുടങ്ങിയവരും പ്രധാനമന്ത്രിക്കൊപ്പം സന്ദർശക സംഘത്തിലുണ്ട്.
മാർപാപ്പയെ സന്ദർശിച്ച ശേഷം വത്തിക്കാൻ വിദേശകാര്യ സെക്രട്ടറി കർദിനാൾ പിയത്ര പരോളിൻ ഉൾപ്പെട്ട പ്രതിനിധി സംഘവുമായി മോദി കൂടിക്കാഴ്ച നടത്തും.
ജി 20 ഉച്ചകോടിയിൽ പങ്കെടുക്കാനാണ് പ്രധാനമന്ത്രി നരേന്ദ്ര മോദി റോമിലെത്തിയിരിക്കുന്നത്.
മാർപാപ്പയെ വത്തിക്കാനിൽ സന്ദർശിക്കുന്ന അഞ്ചാമത്തെ ഇന്ത്യൻ പ്രധാനമന്ത്രിയാണ് മോദി.
നേരത്തേ ജവഹർലാൽ നെഹ്റു, ഇന്ദിര ഗാന്ധി, ഐ.കെ.ഗുജറാൾ, എ.ബി.വാജ്പേയി എന്നിവരും അതത് സമയങ്ങളിൽ മാർപാപ്പയെ വത്തിക്കാനിലെത്തി സന്ദർശിച്ചിട്ടുണ്ട്
Facebook Comments Box