വാഷിംഗ്ടണ്‍ ഡിസി: അമേരിക്കന്‍ പ്രസിഡന്‍റായി ചുമതലയേറ്റതിന് ശേഷം വൈറ്റ് ഹൗസില്‍ വച്ചുള്ള ആദ്യത്തെ ക്രിസ്മസ് ലളിതമായി ആഘോഷിച്ച് ബൈഡന്‍. വിപുലമായ പരിപാടികളോടെയാണ് വൈറ്റ് ഹൗസിൽ ക്രിസ്മസ് ആഘോഷിച്ചിരുന്നെങ്കിലും കൊവിഡ് സാഹചര്യം കണക്കിലെടുത്ത് ഇത്തവണ ലളിതമായി മാത്രമായിരുന്നു ആഘോഷം.
ഒമിക്രൈണ്‍ വൈറസ് ലോകത്ത് പടര്‍ന്നുപിടിക്കുന്ന സാഹചര്യത്തില്‍ ലോകാരോഗ്യ സംഘടന ഉള്‍പ്പടെ കനത്ത നിര്‍ദ്ദേശങ്ങളാണ് മൂന്നോട്ടുവച്ചിരിക്കുന്നത്. കൊവിഡ് മാര്‍ഗ നിര്‍ദ്ദേശം പാലിച്ച് വേണം ക്രിസ്മസ്, പുതുവത്സര ആഘോഷങ്ങള്‍ നടത്തണമെന്നാണ് പ്രധാന നിര്‍ദ്ദേശം. ഇതുപ്രകാരമാണ് പ്രസിഡന്‍റ് ജോ ബൈഡനും പ്രഥമ വനിത ജില്‍ ബൈഡനും ആഘോഷങ്ങൾ ലളിതമാക്കിയത്. അമേരിക്കയിലും ഒമിക്രോണ്‍ കേസുകള്‍ റിപ്പോര്‍ട്ട് ചെയ്തിട്ടുണ്ട്.
അതേസമയം, ക്രിസ്മസ് ആഘോഷങ്ങളുടെ ഭാഗമായി ജോ ബൈഡനും ഭാര്യ ജില്‍ ബൈഡനും ആശുപത്രിയില്‍ ചികിത്സയില്‍ കഴിയുന്ന കുട്ടികള്‍ക്ക് സമ്മാനങ്ങളുമായി എത്തി. ക്രിസ്മസ് സമയത്ത് പ്രഥമ വനിതകള്‍ ചില്‍ഡ്രന്‍സ് നാഷണല്‍ ഹോസ്പിറ്റല്‍ സന്ദര്‍ശിക്കുന്നത് ദീര്‍ഘകാലമായുള്ള പാരമ്പര്യമാണ്