എടക്കര: പോക്സോ കേസില് ഉള്പ്പെട്ട പ്രായപൂര്ത്തിയാകാത്ത പെണ്കുട്ടിയെ വെളിപ്പെടുത്തുന്ന തരത്തില് വീഡിയോ പ്രചരിപ്പിച്ച യുവാവിനെ പോലീസ് അറസ്റ്റ് ചെയ്തു.വഴിക്കടവ് വട്ടപ്പാടം ഏലംകുളയന് സല്മാന് എന്ന തൊള്ളപൊളിയന് സല്ലുവാണ് (34) പോലീസ് പിടിയിലായത്.
വഴിക്കടവ് പോലീസിന്റെ നേതൃത്വത്തില് പ്രത്യേക അന്വേഷണ സംഘം രൂപീകരിച്ച് സോഷ്യല് മീഡിയ വഴി പ്രചരിച്ച വീഡിയോയുടെ ഉത്ഭവം കണ്ടെത്തുന്നതിനായി നിരന്തരമായ നിരീക്ഷണങ്ങള്ക്കൊടുവിലാണ് പ്രതി പിടിയിലായത്.
പോക്സോ നിയമപ്രകാരം ഇത്തരം കേസുകളില് തിരിച്ചറിയല് വിവരം വെളിപ്പെടുത്തുന്നത് കുറ്റകരമാണെന്നിരിക്കെയാണ് യുവാവ് ഇത്തരത്തില് സോഷ്യല് മീഡിയ വഴി വീഡിയോ പ്രചരിപ്പിച്ചത്. പ്രതി റിക്കാര്ഡ് ചെയ്ത് ഷെയര് ചെയ്ത വീഡിയോ നിരവധിയാളുകള് ഡൗണ്ലോഡ് ചെയ്ത് ഷെയര് ചെയ്തിട്ടുണ്ട്. ഷെയര് ചെയ്തയാളുകളെ പോലീസ് നിരീക്ഷിച്ചു വരികയുമാണ്. പ്രതിയെ നിലന്പൂര് കോടതിയില് ഹാജരാക്കി റിമാന്ഡ് ചെയ്തു