കോഴിക്കോട്: വെള്ളിമാട്കുന്ന് ചില്‍ഡ്രന്‍സ് ഹോമില്‍ നിന്നും കാണാതായ ആറ് പെണ്‍കുട്ടികളെ ബെംഗളൂരുവിലെ മടിവാളയില്‍ കണ്ടെത്തി.മടിവാളയില്‍ മലയാളികള്‍ നടത്തുന്ന ഒരു ഹോട്ടലില്‍ മുറി എടുക്കാനെത്തിയതായിരുന്നു കുട്ടികള്‍.
തിരിച്ചറിയല്‍ രേഖകളൊന്നും ഇവരുടെ കൈവശമുണ്ടായിരുന്നില്ല. തുടര്‍ന്ന് സംശയം തോന്നിയ ഹോട്ടല്‍ ജീവനക്കാര്‍ പെണ്‍കുട്ടികളെ തടഞ്ഞുവെക്കുകയായിരുന്നു.പൊലീസ് എത്തുമ്ബോഴേക്കും അഞ്ച് പേര്‍ രക്ഷപ്പെട്ടതായി ഹോട്ടല്‍ ജീവനക്കാര്‍ പറഞ്ഞു.ഒരാളെ പൊലീസില്‍ കസ്റ്റഡിയില്‍ എടുത്തിട്ടുണ്ട്.
പെണ്‍കുട്ടികള്‍ക്ക് ഒപ്പമുണ്ടായിരുന്ന രണ്ട് യുവാക്കളെയും മടിവാള പൊലീസ് കസ്റ്റഡിയിലെടുത്തു. തൃശ്ശൂര്‍, കൊല്ലം സ്വദേശികളാണ് ഇവര്‍.വിവരം അറിഞ്ഞ് കോഴിക്കോട്ട് നിന്ന് പൊലീസ് സംഘം ബംഗളൂരുവിലേക്ക് തിരിച്ചിട്ടുണ്ട്
Facebook Comments Box