സംസ്ഥാനത്ത് സ്‌കൂളുകളും കോളജുകളും ഇന്ന് തുറക്കും

Keralanewz.com

തിരുവനന്തപുരം | സംസ്ഥാനത്ത് കൊവിഡ് വ്യാപനത്തെത്തുടര്‍ന്ന് അടച്ച സ്‌കൂളുകളും കോളജുകളും ഇന്നു വീണ്ടും തുറന്ന് പ്രവര്‍ത്തിക്കും സ്‌കൂളുകളില്‍ 10,11, 12 ക്ലാസുകളാണ് ഇന്ന് തുടങ്ങുന്നത്.

സാധാരണ നിലയിലേപ്പോലെ രാവിലെ ആരംഭിച്ച്‌ വൈകുന്നേരം അവസാനിക്കുന്ന രീതിയിലുള്ള ക്ലാസുകള്‍ ആണ് ക്രമീകരിച്ചിട്ടുള്ളത്. 1 മുതല്‍ 9 വരെയുള്ള ക്ലാസുകള്‍ 14 മുതല്‍ തുറക്കുന്നതും ക്ലാസുകള്‍ വൈകിട്ട് വരെയാക്കുന്നതും ചര്‍ച്ച ചെയ്യാന്‍ വിദ്യാഭ്യാസവകുപ്പ് ഇന്ന് ഉന്നതതല യോഗം ചേരും.

കോളജുകളിലെ ബിരുദ, ബിരുദാനന്തര ക്ലാസുകളും ഇന്ന് ആരംഭിക്കും. ഒന്നു മുതല്‍ ഒന്‍പതു വരെയും ക്രഷുകള്‍, കിന്‍ഡര്‍ ഗാര്‍ട്ടനുകള്‍ എന്നിവയും ഈ മാസം 14 ന് ആരംഭിക്കും. കൊവിഡ് മാനദണ്ഡങ്ങള്‍ പൂര്‍ണമായും പാലിച്ചാവും ക്ലാസുകള്‍ നടത്തുകയെന്നു പൊതുവിദ്യാഭ്യാസ വകുപ്പ് മാധ്യമങ്ങളെ അറിയിച്ചു.

സംസ്ഥാനത്ത് സ്‌കൂളുകളും കോളജുകളും ഇന്ന് തുറക്കും

Facebook Comments Box