നടിയെ ആക്രമിച്ച കേസില് കാവ്യാ മാധവനെ ചോദ്യം ചെയ്യും.
തിങ്കളാഴ്ച ചോദ്യം ചെയ്യലിന് ഹാജരാകണമെന്ന് ചൂണ്ടിക്കാട്ടി അന്വേഷണസംഘം കാവ്യയ്ക്ക് നോട്ടീസ് നല്കി. ആലുവ പോലീസ് ക്ലബില് എത്താനാണ് നിര്ദേശം.
പുതിയ വെളിപ്പെടുത്തലുകളുടെ അടിസ്ഥാനത്തിലാണ് ചോദ്യം ചെയ്യല്. അന്വേഷണത്തില് ലഭിച്ച ഡിജിറ്റല് തെളിവുകളുടെ അടിസ്ഥാനത്തില് കാവ്യയെ ചോദ്യം ചെയ്യേണ്ടതുണ്ടെന്ന് കഴിഞ്ഞ ദിവസം പ്രോസിക്യൂഷന് ഹൈക്കോടതിയെ അറിയിച്ചിരുന്നു.
അതേസമയം നടിയെ ആക്രമിച്ച കേസില് നിര്ണായക
ശബ്ദരേഖ പുറത്തായി. അന്വേഷണ സംഘം കോടതിയില് സമര്പ്പിച്ച ശബ്ദരേഖയാണ് പുറത്തുവന്നത്. ഗൂഢാലോചനയില് കാവ്യ മാധവന്റെ പങ്ക് സൂചിപ്പിക്കുന്ന ശബ്ദരേഖയാണ് പുറത്തായത്.
ദിലീപിന്റെ ബന്ധു സുരാജും ശരതും തമ്മിലുള്ള ശബ്ദരേഖയാണ് പുറത്ത് വന്നത്. നടി കാവ്യ മാധവന് സുഹൃത്തുക്കള്ക്ക് കൊടുക്കാന് വച്ചിരുന്ന പണിയെന്ന് ശബ്ദരേഖയില് പറയുന്നു. അത് ദിലീപ് ഏറ്റെടുത്തതാണെന്നും ദിലീപിന്റെ ബന്ധു സുരാജ് വ്യക്തമാക്കുന്നുണ്ട്. സുരാജിന്റെ ഫോണില് നിന്നാണ് ശബ്ദരേഖ വീണ്ടടുത്തത്