രാജ്യത്തെ എ.ടി.എമ്മുകളില്നിന്ന് 2000 രൂപ നോട്ട് അപ്രത്യക്ഷമാകുന്നു. പകരം 100, 200, 500 രൂപ നോട്ടുകള് ലഭ്യമാകും. 2000 രൂപ നോട്ടുകള് പിന്വലിക്കാന് സാധ്യതയുണ്ടെന്ന അഭ്യൂഹം നിലനില്ക്കുന്നതിനിടെയാണ് എ.ടി.എമ്മുകളില്നിന്ന് ഒഴിവാക്കുന്നത്. ഇതിെന്റ ഭാഗമായി രാജ്യത്തെ 2.4 ലക്ഷം എ.ടി.എമ്മുകളില് 2000 രൂപ സൂക്ഷിക്കുന്ന ട്രേയുടെ സ്ഥാനത്ത് 500, 200, 100 രൂപ നോട്ടുകളുടെ ട്രേ ആക്കി മാറ്റുന്ന പ്രവൃത്തി ആരംഭിച്ചിട്ടുണ്ട്.
ഘട്ടംഘട്ടമായി 2000 രൂപ എ.ടി.എമ്മില്നിന്ന് ഒഴിവാക്കുകയാണ് ലക്ഷ്യമെന്ന് ബാങ്കിങ് വൃത്തങ്ങള് പറയുന്നു. ഒരു വര്ഷത്തിനുള്ളില് മുഴുവന് എ.ടി.എമ്മിലും ഇത് പ്രാവര്ത്തികമാക്കും. എ.ടി.എമ്മിലൂടെയുള്ള വിനിമയം അവസാനിപ്പിച്ചാലും ബാങ്കുകളിലും പൊതുവിപണിയിലും 2000 രൂപ നോട്ടുകള് ലഭ്യമാകും.