അശ്ലീല വീഡിയോ ചിത്രീകരിച്ചെന്ന കേസില് നടിയും മോഡലുമായ പൂനം പാണ്ഡെയ്ക്കും മുന് ഭര്ത്താവ് സാം ബോംബേക്കുമെതിരെ ഗോവ പോലീസ് കുറ്റപത്രം സമര്പ്പിച്ചു.
കനക്കോണയിലെ ജുഡീഷല് ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് കുറ്റപത്രം സമര്പ്പിച്ചത്. അശ്ലീലം, അതിക്രമിച്ച് കടക്കല്, അശ്ലീല വീഡിയോ പ്രചരിപ്പിക്കല് എന്നീ കുറ്റങ്ങളാണ് ചുമത്തിയിരിക്കുന്നത്.
2020 നവംബറിലായിരുന്നു കേസിനാസ്പദമായ സംഭവം. കനക്കോണയിലെ സര്ക്കാര് ഉടമസ്ഥതയിലുള്ള ചപ്പോളി അണക്കെട്ടിന് സമീപം അശ്ലീല വീഡിയോ ചിത്രീകരിച്ച് സമൂഹമാധ്യമങ്ങളില് പ്രചരിപ്പിച്ചെന്നാണ് കേസ്. പൂനത്തിനെയും ഭര്ത്താവിനെയും നേരത്തെ അറസ്റ്റുചെയ്യുകയും ജാമ്യത്തില് വിടുകയും ചെയ്തിരുന്നു