കോട്ടയം: കേന്ദ്ര സംസ്ഥാന സർക്കാരുകൾ സംയുക്തമായി നടപ്പാക്കുന്ന ജൽജീവൻ മിഷൻ ഗ്രാമീണ ശുദ്ധജല വിതരണ പദ്ധതിയുടെ നിർവഹണ പങ്കാളികളുടെ സംയുക്ത സമ്മേളനം ത്രികക്ഷി സംഗമം നാളെ ജില്ലാ പഞ്ചായത്ത് ഹാളിൽ നടക്കും. രാവിലെ 10ന് ജില്ലാ പഞ്ചായത്ത് പ്രസിഡന്റ് നിർമലാ ജിമ്മി പരിപാടി ഉദ്ഘാടനം ചെയ്യും. ജില്ലാ കളക്്ടർ ഡോ. പി.കെ ജയശ്രീ അധ്യക്ഷത വഹിക്കും. തദ്ദേശസ്വയംഭരണ വകുപ്പ് ജോയിന്റ് ഡയറക്്ടർ ബിനു ജോണ് വിഷയാവതരണം നടത്തും.
പഞ്ചായത്ത് പ്രസിഡന്റ്സ് അസോസിയേഷൻ പ്രസിഡന്റ് കെ.സി. ബിജു, കേരള വാട്ടർ അഥോറിറ്റി സൂപ്രണ്ടിംഗ് എൻജിനിയർ പി. സിദ്ധിഖ്, കേരള റൂറൽ വാട്ടർ സപ്ലൈ ആൻഡ് സാനിറ്റേഷൻ ഏജൻസി ടെക്നിക്കൽ ഡയറക്ടർ ടി.കെ. മണി, ഇംപ്ലിമെന്റിംഗ് സപ്പോർട്ട് ഏജൻസി പ്ലാറ്റ്ഫോം ചെയർമാൻ ടി.കെ. തുളസീധരൻ പിള്ള, കുടുംബശ്രീ ജില്ലാ മിഷൻ കോ-ഓർഡിനേറ്റർ അഭിലാഷ് ദിവാകർ, ഇംപ്ലിമെന്റിംഗ് സപ്പോർട്ട് ഏജൻസി പ്ലാറ്റ്ഫോം ജില്ലാ ചെയർമാൻ ഡാന്റിസ് കൂനാനിക്കൽ, ജില്ലാ സെക്രട്ടറി പി.കെ. കുമാരൻ എന്നിവർ പങ്കെടുക്കും
തുടർന്ന് ജൽജീവൻ മിഷൻ സാധ്യതകളും ഏകോപനവും എന്ന വിഷയത്തിൽ സംവാദം നടക്കും. പഞ്ചായത്ത് പ്രസിഡന്റ്സ് അസോസിയേഷൻ സെക്രട്ടറി അജയൻ കെ. മേനോൻ സംവാദം നയിക്കും. ഇംപ്ലിമെന്റിംഗ് സപ്പോർട്ട് ഏജൻസി പ്ലാറ്റ്ഫോം സംസ്ഥാന വൈസ് ചെയർമാൻ റഷീദ് പറന്പൻ അധ്യക്ഷത വഹിക്കും. ഉച്ചയ്ക്ക് 1.45 മുതൽ ഇംപ്ലിമെന്റിംഗ് സപ്പോർട്ട് ഏജൻസി സ്റ്റാഫംഗങ്ങൾക്കുള്ള ശില്പശാലയും നടക്കും. ജില്ലാപഞ്ചായത്തും നിർവഹണ സഹായ ഏജൻസികളുടെ കൂട്ടായ്മയായ ഐഎസ്എ പ്ലാറ്റ്ഫോം ജില്ലാ സമിതിയും സംയുക്തമായാണ് പരിപാടി സംഘടിപ്പിക്കുന്നത്.