സി.ബി.എസ്.ഇ പന്ത്രണ്ടാം ക്ലാസ് ഫലം പ്രസിദ്ധീകരിച്ചു

ഡല്‍ഹി: സി.ബി.എസ്.ഇ പന്ത്രണ്ടാം ക്ലാസ് ഫലം പ്രഖ്യാപിച്ചു. 92.71 ആണ് വിജയശതമാനം. results.cbse.nic.in, cbse.gov.in എന്നീ വെബ്സൈറ്റുകളില്‍ ഫലം ലഭ്യമാണ്.

വിദ്യാര്‍ത്ഥികള്‍ക്ക് അവരുടെ അക്കൗണ്ടുകളില്‍ ലോഗിന്‍ ചെയ്ത് ഡിജിലോക്കറില്‍ (digilocker.gov.in) സി.ബി.എസ്.ഇ ഫലങ്ങള്‍ ഓണ്‍ലൈനായി പരിശോധിക്കാനും കഴിയും.

1435366 വിദ്യാര്‍ഥികളാണ് പരീക്ഷ എഴുതിയത്. 1330662 പേര്‍ വിജയിച്ചു. തിരുവനന്തപുരം മേഖലയിലാണ് മികച്ച വിജയശതമാനം (98.83). കുറവ് പ്രയാഗ്‌രാജ് മേഖലയിലും. 83.71 ആണ് ഇവിടുത്തെ വിജയശതമാനം.

അതേസമയം, പ്ലസ് വണ്‍ പ്രവേശനത്തിനുള്ള തിയതി നീട്ടണമെന്നാവശ്യപ്പെട്ട് സി.ബി.എസ്.ഇ സിലബസില്‍ പഠിച്ച വിദ്യാര്‍ഥികള്‍ നല്‍കിയ ഹരജി ഹൈക്കോടതി ഇന്ന് വീണ്ടും പരിഗണിക്കും. ജസ്റ്റിസ് രാജവിജയരാഘവന്‍ ഉച്ചക്ക് മൂന്ന് മണിക്കാണ് ഹര്‍ജി പരിഗണിക്കുന്നത്. സി.ബി.എസ്.ഇയുടെ പത്താം ക്ലാസ് ഫലം വരാത്തതിനാല്‍ തങ്ങള്‍ക്ക് അപേക്ഷിക്കാനാകില്ലെന്നും തുടര്‍ പഠന സാധ്യതകള്‍ ഇല്ലാതാകുമെന്നും ചൂണ്ടിക്കാട്ടിയാണ് ഹര്‍ജി