നിരവധി ക്രിമിനല്‍ കേസുകളിലെ പ്രതികള്‍ അറസ്റ്റില്‍
മല്ലപ്പള്ളി: പെരുമ്ബെട്ടി, തിരുവല്ല പൊലീസ് സ്റ്റേഷനുകളില്‍ നിരവധി ക്രിമിനല്‍ കേസുകളില്‍ പ്രതികളായ രണ്ടുപേരെ കീഴ് വായ്പ്പൂര് പൊലീസ് അറസ്റ്റു ചെയ്തു.
ചാലാപ്പള്ളി പുള്ളോലിത്തടത്തില്‍ സുബിന്‍(26), തിരുവല്ല സ്വദേശി ദീപുമോന്‍ (26) എന്നിവരാണ് അറസ്റ്റിലായത്. ഇരുവര്‍ക്കുമേതിരെ കാപ്പ ചുമത്തി തിരുവനന്തപുരം സെന്‍ട്രല്‍ ജയിലിലേക്ക് റിമാന്‍ഡ് ചെയ്തു. റാന്നി, കീഴ് വായ്പ്പൂര്, പെരുമ്ബെട്ടി, റാന്നി എക്സൈസ് എന്നിവിടങ്ങളിലെ കേസുകളില്‍ പ്രതിയാണ് സുബിന്‍. കുട്ടികള്‍ക്കും മറ്റും കഞ്ചാവ്, ഹാഷിഷ് ഓയില്‍, എം.ഡി.എം.എ തുടങ്ങിയ മയക്കുമരുന്നുകളുടെ വില്‍പ്പന നടത്തിയതിനും സ്ത്രീക്കെതിരെയുള്ള അതിക്രമം, സര്‍ക്കാരുദ്യോഗസ്ഥന്റെ ഔദ്യോഗിക കൃത്യനിര്‍വഹണം തടസപ്പെടുത്തല്‍, ദേഹോപദ്രവം ഏല്‍പ്പിക്കല്‍ എന്നിങ്ങനെ നിരവധി കേസുകളിലും , പെരുമ്ബെട്ടിയില്‍ എക്സൈസ് പ്രിവന്റീവ് ഓഫീസറെ ആക്രമിച്ച കേസിലും പ്രതിയാണ് സുബിന്‍.റാന്നിയില്‍ മൂന്ന് കിലോയിലധികം കഞ്ചാവും, 36 ഗ്രാം ഹാഷിഷ് ഓയിലുമായാണ് ഇയാള്‍ പൊലീസിന്റെ പിടിയിലായത്
