എറണാകുളം: കോതമംഗലത്ത് ഡെന്റല് കോളേജ് വിദ്യാര്ഥിനിയെ വെടിവച്ചു കൊലപ്പെടുത്തിയശേഷം സുഹൃത്ത് ജീവനൊടുക്കി. നെല്ലിക്കുഴി ഇന്ദിരാഗാന്ധി ഡെന്റല് കോളജിലെ വിദ്യാര്ഥിനിയായ മാനസയെയാണ് സുഹൃത്തായ രാഗിന് കൊലപ്പെടുത്തിയത്. ഇരുവരും കണ്ണൂര് സ്വദേശികളാണ്. ഇന്ന് ഉച്ചയ്ക്കായിരുന്നു സംഭവം.മാനസ താമസിച്ച വീട്ടിലെത്തിയ രാഗിനോട് നീയെന്തിന് ഇവിടെ വന്നതെന്ന് പെണ്കുട്ടി ചോദിച്ചിരുന്നു. ഉടനെ രാഗിന് മാനസയെ ബലമായി അടുത്ത മുറിയിലേക്ക് പിടിച്ചുകൊണ്ടുപോയി. ഇവിടെ വച്ചാണ് വെടിയുതിര്ത്തത്.വെടിയേറ്റശേഷം ജീവനുണ്ടായിരുന്ന പെണ്കുട്ടിയെ നാട്ടുകാര് സമീപത്തെ സ്വകാര്യ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ഇരുവരുടെയും മൃതദേഹങ്ങള് കോതമംഗലം ബസേലിയോസ് ആശുപത്രിയിലേക്ക് മാറ്റി.കൊലപാതകവുമായി ബന്ധപ്പെട്ട് അന്വേഷണം ആരംഭിച്ചതായി എറണാകുളം റൂറല് പോലീസ് അറിയിച്ചു.അതേസമയം, കൊലയാളി ജീവനൊടുക്കിയതിനാല് കൊലയ്ക്ക് പിന്നിലെ കാരണമാണ് പോലീസ് അന്വേഷിക്കുക.
Facebook Comments Box