പിണറായിക്കെതിരെ മത്സരിച്ച നേതാവ്, കോണ്ഗ്രസ് വിട്ട സി. രഘുനാഥ് ബിജെപിയില്‍, നദ്ദയില്‍ നിന്നും അംഗത്വം സ്വീകരിക്കും
കണ്ണൂര്‍ : കോണ്ഗ്രസ് വിട്ട കണ്ണൂരിലെ ഡിസിസി ജനറല്‍ സെക്രട്ടറിയായിരുന്ന സി രഘുനാഥ് ബിജെപിയില്‍ ചേരും. ഇന്ന് വൈകിട്ട് ദില്ലിയില്‍ ബിജെപി അധ്യക്ഷൻ ജെ പി നദ്ദയില്‍ നിന്നും അംഗത്വം സ്വീകരിക്കും.
ധർമ്മടത്ത് പിണറായി വിജയനെതിരെ കോൺഗ്രസ് സ്ഥാനാർഥിയായിരുന്നു സി രഘുനാഥ്. കഴിഞ്ഞ ദിവസമാണ് നേതൃത്വവുമായുള്ള അഭിപ്രായ ഭിന്നതകളെ തുടർന്ന് കോൺഗ്രസ് വിട്ടത്.
ഏറെ കാലമായി പാർട്ടി എന്നെ അവഗണിക്കുകയാണ്. പല കാര്യങ്ങളും പാർട്ടിക്കുള്ളിൽ പറയുന്നുണ്ട്, പക്ഷേ ഒറ്റപ്പെടുത്തുകയും തഴയപ്പെടുകയും ചെയ്തു. നേതൃത്വത്തിന്റെ അവഗണനയിൽ മനംമടുത്താണ് രാജി വെക്കുന്നതെന്നായിരുന്നു കോൺഗ്രസ് വിട്ട വേളയിൽ സി രഘുനാഥിന്റെ പ്രതികരണം. കെപിസിസി അധ്യക്ഷനായിട്ടും കെ. സുധാകരനെക്കൊണ്ട് ഗുണമുണ്ടായില്ലെന്നും രഘുനാഥ് തുറന്നടിച്ചു.
Facebook Comments Box
