ലണ്ടന്‍: വിദേശ വിദ്യാര്‍ത്ഥികള്‍ക്കുള്ള വിസ നിയമങ്ങള്‍ യു കെ കര്‍ശനമാക്കി . വിദേശ വിദ്യാര്‍ത്ഥികള്‍ ആശ്രിത വിസയില്‍ കുടുംബാംഗങ്ങളെകൊണ്ടുവരുന്നതിലുളള നിയന്ത്രണങ്ങൾ പ്രാബല്യത്തിലായി.
പോസ്റ്റ് ഗ്രാജ്വേറ്റ് റിസര്‍ച്ച്‌ കോഴ്‌സുകളോ സര്‍ക്കാര്‍ സ്‌കോളര്‍ഷിപ്പുള്ള കോഴ്‌സുകളോ പഠിക്കാനെത്തുന്നവര്‍ക്കു മാത്രമേ ഇനി കുടുംബാംഗങ്ങളെ കൊണ്ടുവരാനാകൂ.
ബ്രിട്ടീഷ് സര്‍വകലാശാലകളില്‍ ചേരുന്ന ഇന്ത്യക്കാര്‍ ഉള്‍പ്പെടെയുള്ള അന്താരാഷ്ട്ര വിദ്യാര്‍ത്ഥികള്‍ക്കുള്ള കര്‍ശനമായ വിസ നിയമങ്ങളുടെ ഭാഗമാണ് ഈ നീക്കമെന്ന് പറയപ്പെടുന്നു. പുതിയ ചട്ടങ്ങള്‍ ഈ മാസം മുതല്‍ പ്രാബല്യത്തില്‍ വരും. ‘ഇന്ന് മുതല്‍, ഭൂരിഭാഗം വിദേശ യൂണിവേഴ്‌സിറ്റി വിദ്യാര്‍ത്ഥികള്‍ക്കും കുടുംബാംഗങ്ങളെ യുകെയിലേക്ക് കൊണ്ടുവരാന്‍ കഴിയില്ല’ സോഷ്യല്‍ മീഡിയയിലൂടെ ബ്രിട്ടീഷ് പ്രധാനമന്ത്രി ഋഷി സുനക് അറിയിച്ചു
മലയാളി വിദ്യാർഥികളെ സാരമായി ബാധിക്കുന്ന ഈ നിയമം പ്രാബല്യത്തിലായതോടെ വിദേശ ജോലി സ്വപ്നം കണ്ടിരുന്ന ആയിരക്കണക്കിന് വിദ്യാർത്ഥികളാണ് പ്രതിസന്ധിയിൽ ആയിരിക്കുന്നത്.