പെട്രോളിയം ആൻഡ് നാച്ചുറൽ ഗ്യാസ് റെഗുലേറ്ററി ബോർഡ് (PNGRB) സിറ്റി ഗ്യാസ് ഡിസ്ട്രിബ്യൂഷൻ (CGD) നെറ്റ്‌ വർക്കിൽ കോട്ടയം, ഇടുക്കി, പത്തനംതിട്ട ജില്ലകളെ കൂടി ഉൾപ്പെടുത്തുവാൻ സാധിച്ചതിലൂടെ, മിതമായ നിരക്കിൽ ഈ ജില്ലകളിലെ ജനങ്ങൾക്ക് പൈപ്പിലൂടെ വിലകുറഞ്ഞതും, സുരക്ഷിതവും, പരിസ്ഥിതി സൗഹൃദവുമായ ഗ്യാസ് ലഭ്യമാകുമെന്ന് തോമസ് ചാഴികാടൻ പ്രസ്താവിച്ചു. നേരത്തെ 11 ജില്ലകളെ സിറ്റി ഗ്യാസ് (പി. എൻ. ജി അഥവാ പൈപ്പിഡ് നാച്ചുറൽ ഗ്യാസ്) പദ്ധതിയിൽ ഉൾപ്പെടുത്തിയിരുന്നു.
ഇതോടെ കേരളം മുഴുവൻ ഈ പദ്ധതിയുടെ ഭാഗമാകുന്നു. അടുത്ത മൂന്ന് വർഷത്തിനുള്ളിൽ, ഇന്ത്യയിലെ 100 ജില്ലകളിലേക്ക് കൂടി വ്യാപിപ്പിക്കുന്ന സിറ്റി ഗ്യാസ് പദ്ധതി 2020 -2021 കാലയളവിൽ കോട്ടയം, ഇടുക്കി, പത്തനംതിട്ട ജില്ലകളെ കൂടി ഉൾപ്പെടുത്തണമെന്ന് ആവിശ്യപെട്ടുകൊണ്ട് കേന്ദ്ര പെട്രോളിയം മന്ത്രി ധർമ്മേന്ദ്ര പ്രധാനുമായി പല പ്രാവശ്യം കൂടി കാഴ്ച നടത്തുകയും, നിവേദനം സമർപ്പിക്കുകയും, പ്രസ്തുത വിഷയത്തിൽ പാർലമെൻറിൽ പ്രമേയം അവതരിപ്പിക്കുകയും ചെയ്തിട്ടുള്ളതാണെന്നും എം പി അറിയിച്ചു
