പ്രണയം നടിച്ച്‌ പ്രായപൂര്‍ത്തിയാകാത്ത സഹോദരിമാരെ പീഡിപ്പിച്ചു; വര്‍ക്കലയില്‍ ബസ് കണ്ടക്ടറും 17കാരനും പിടിയില്‍
തിരുവനന്തപുരം: വർക്കലയില്‍ പ്രായപൂർത്തിയാകാത്ത സഹോദരിമാരെ പീഡിപ്പിച്ച കേസില്‍ രണ്ടുപേർ അറസ്റ്റില്‍. 17കാരനായ പ്ലസ് ടു വിദ്യാർത്ഥി, കൊല്ലം ശക്തികുളങ്ങര സ്വദേശി മനു എന്ന അഖില്‍ (23) എന്നിവരെയാണ് പൊലീസ് അറസ്റ്റ് ചെയ്തത്.
പരവൂർ – ഭൂതക്കുളം റൂട്ടിലെ ബസ് കണ്ടക്ടറാണ് അഖില്‍. പതിമൂന്നും പതിനേഴും വയസുള്ള പെണ്‍കുട്ടികളാണ് പീഡനത്തിന് ഇരയായത്.
2023 മുതല്‍ 17 കാരിയെ സഹപാഠികൂടിയായ 17കാരൻ പ്രണയം നടിച്ച്‌ നിരന്തരമായി ശാരീരിക പീഡനത്തിന് ഇരയാക്കിയിരുന്നുവെന്ന് പൊലീസ് പറഞ്ഞു. സഹോദരിമാരായ പെണ്‍കുട്ടികളെയും 17കാരനെയും ബസില്‍ വച്ചാണ് കണ്ടക്ടർ അഖില്‍ പരിചയപ്പെടുന്നത്. ഇവരുമായി സൗഹൃദം സ്ഥാപിച്ചശേഷം കണ്ടക്ടർ അഖിലും പ്രണയം നടിച്ച്‌ കുട്ടികളെ പീഡനത്തിന് ഇരയാക്കുകയായിരുന്നു. സംഭവം അറിഞ്ഞ കുട്ടികളുടെ അദ്ധ്യാപികയാണ് ചെെല്‍ഡ് ലെെനിലും പൊലീസിലും വിവരമറിയിച്ചത്.
Facebook Comments Box
