കോയമ്പത്തൂര്‍: നടുറോഡില്‍ സ്ത്രീയുടെ അര്‍ദ്ധനഗ്ന മൃതദേഹം കണ്ടെത്തിയ സംഭവം അപകടമരണമാണെന്ന് പോലീസിന്‍റെ നിഗമനം. ചിന്നിയംപാളത്ത് റോഡില്‍ നില്‍ക്കുകയായിരുന്ന നാടോടി സ്ത്രീയെ വാഹനം ഇടിക്കുകയായിരുന്നു. തുടര്‍ന്ന് വാഹനം നിര്‍ത്താതെ പോയി എന്നാണ് പോലീസിന്‍റെ കണ്ടെത്തല്‍
സംഭവത്തില്‍ കാര്‍ ഓടിച്ച യുവാവിനെ പോലീസ് അറസ്റ്റ് ചെയ്തു. കോയമ്പത്തൂര്‍ സ്വദേശി ഫൈസലിനെയാണ് പോലീസ് പിടികൂടിയത്. മനഃപൂര്‍വമല്ലാത്ത നരഹത്യയ്ക്കാണ് യുവാവിനെതിരേ കേസെടുത്തിരിക്കുന്നത്
അതേസമയം, സംഭവത്തില്‍ മറ്റെന്തെങ്കിലും ദുരൂഹതയുണ്ടോയെന്നതും പോലീസ് അന്വേഷിച്ചുവരികയാണ്.
കഴിഞ്ഞ തിങ്കളാഴ്ച പുലര്‍ച്ചെയാണ് അവിനാശി റോഡില്‍ ചിന്നിയംപാളത്ത് നടുറോഡില്‍ സ്ത്രീയുടെ മൃതദേഹം കണ്ടെത്തിയത്. വാഹനങ്ങള്‍ കയറിയിറങ്ങി തിരിച്ചറിയാന്‍ കഴിയാത്തനിലയിലായിരുന്നു മൃതദേഹം.