മുംബയ് ; സാമ്പത്തിക ഇടപാട് കേസില് മഹാരാഷ്ട്ര മുന് ആഭ്യന്തര മന്ത്രി അനില് ദേശ്മുഖിനെ എന്ഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തു.
12 മണിക്കൂര് ചോദ്യം ചെയ്യലിന് ശേഷമാണ് അനില് ദേശ്മുഖിന്റെ അറസ്റ്റ് രേഖപ്പെടുത്തിയത്. 100 കോടി രൂപ കൈക്കൂലി ആവശ്യപ്പെട്ടെന്ന കേസുമായി ബന്ധപ്പെട്ട് കള്ളപ്പണം വെളുപ്പിക്കല് കേസിലാണ് അറസ്റ്റ്.
കേസില് ചോദ്യംചെയ്യലിന് ഹാജരാകാന് ആവശ്യപ്പെട്ടെങ്കിലും അനില് ദേശ്മുഖ് ഹാജരായിരുന്നില്ല. ചോദ്യം ചെയ്യലിന് ഹാജരാകുന്നതിനെതിരെ ദേശ്മുഖ് നല്കിയ ഹര്ജി കഴിഞ്ഞ ആഴ്ച ബോംബെ ഹൈക്കോടതി തള്ളിയിരുന്നു.
കേസില് ദേശ്മുഖിന്റെ പേഴ്സനല് സെക്രട്ടറി സഞ്ജീവ് പലാന്ഡെ, പേഴ്സനല് അസിസ്റ്റന്റ് കുന്ദന് ഷിന്ഡെ എന്നിവരെ ജൂണില് അറസ്റ്റുചെയ്തിരുന്നു
Facebook Comments Box