തിരുവനന്തപുരം: കെ.പി.സി.സി നേതൃയോഗത്തില് കൊമ്ബുകോര്ത്ത് കെ.പി.സി.സി പ്രസിഡന്റ് കെ.സുധാകരനും ബെന്നി െബഹനാനും. യൂനിറ്റ് കമ്മിറ്റി രൂപവത്കരണവുമായി ബന്ധെപ്പട്ട പരിശീലന പരിപാടികളില് ജനപ്രതിനിധികളും നേതാക്കളും അവഗണിക്കപ്പെടുന്നെന്ന് ശബ്ദമുയര്ത്തി ബെന്നി പരാതിെപ്പട്ടതാണ് തര്ക്കത്തിന് വഴിയൊരുക്കിയത്. പരിശീലന പരിപാടിയില് എം.എല്.എമാര്ക്കും എം.പിമാര്ക്കും നേതാക്കള്ക്കും പ്രസംഗിക്കാന് പോലും അവസരമില്ല. പൂര്ണമായും അവഗണിക്കപ്പെടുകയാണെന്നും ബെന്നി പരാതിപ്പെട്ടു.
ശബ്ദമുയര്ത്തി ബെന്നി നടത്തിയ വിമര്ശനം ഇഷ്ടപ്പെടാതിരുന്ന സുധാകരന്, നിയമസഭയില് പിണറായി വിജയനോട് ചോദിക്കുംപോലെ ഇവിടെ സംസാരിക്കേണ്ട കാര്യമില്ലെന്ന് തുറന്നടിച്ചു. താന് കെ.പി.സി.സി പ്രസിഡന്റാണ്. പരിശീലന ക്യാമ്ബുകളില് നേതാക്കള് പ്രസംഗിക്കേണ്ട കാര്യമില്ല. യൂനിറ്റ് കമ്മിറ്റി രൂപവത്രണത്തിനുള്ള പരിശീലനമാണ് അവിടെ നല്കുന്നതെന്നും വിശദീകരിച്ചു. സുധാകരെന്റ മറുപടിക്കുശേഷവും സംസാരിക്കാന് ബെന്നി ശ്രമിച്ചെങ്കിലും പ്രസിഡന്റ് വഴങ്ങിയില്ല.
കഴിവുള്ള വനിതാനേതാക്കള് പാര്ട്ടിയില് തഴയെപ്പടുന്നെന്ന ഷാനിമോള് ഉസ്മാെന്റ പരാതിയെ ബിന്ദുകൃഷ്ണയും പിന്താങ്ങി. സമുദായ നേതാക്കള് പറയുന്നവര്ക്ക് പാര്ട്ടി ഭാരവാഹിത്വം നല്കുന്നതിനെ ശരത്ചന്ദ്രപ്രസാദും വിമര്ശിച്ചു. മുന് കെ.പി.സി.സി പ്രസിഡന്റുമാരില് വി.എം. സുധീരന് സ്ഥലത്തുണ്ടായിട്ടും യോഗത്തിനെത്തിയില്ല. എന്നാല്, അസൗകര്യം മുന്കൂട്ടി അറിയിച്ച് കെ. മുരളീധരനും മുല്ലപ്പള്ളി രാമചന്ദ്രനും വിട്ടുനിന്നു.