റാഞ്ചി: ഇന്ത്യയും ന്യൂസിലന്ഡും തമ്മിലുള്ള മൂന്നു മത്സര ട്വന്റി20 പരമ്ബരയിലെ രണ്ടാം പോരാട്ടം വെള്ളിയാഴ്ച റാഞ്ചിയില് നടക്കും.
വൈകീട്ട് ഏഴിനാണ് കളി. ആദ്യ മത്സരത്തില് ജയിച്ച ഇന്ത്യക്ക് ഇന്നും കൂടി ജയിച്ചാല് പരമ്ബര സ്വന്തമാക്കാം. കിവീസിന് പരമ്ബരയില് നിലനില്ക്കണമെങ്കില് ജയം അനിവാര്യമാണ്.
നവനായകന് രോഹിത് ശര്മയുടെയും സൂര്യകുമാര് യാദവിെന്റയും ആദ്യ കളിയിലെ ബാറ്റിങ് ഫോം ഇന്ത്യക്ക് ആത്മവിശ്വാസമേകും. ടീമിനെ ജയത്തിലെത്തിക്കുന്നത് വരെ ക്രീസില് തുടര്ന്നെങ്കിലും താളം കണ്ടെത്താന് വിഷമിച്ച ഋഷഭ് പന്തിെന്റ ഫോം ടീമിനെ കുഴക്കുന്നുണ്ട്. പന്തും ഏറക്കാലത്തിനുശേഷം ടീമിലെത്തിയ ശ്രേയസ് അയ്യരും ഫോമിലായാല് ഇന്ത്യക്ക് പേടിക്കാനില്ല. പുതുതാരം വെങ്കിടേഷ് അയ്യരിലും ടീമിന് പ്രതീക്ഷയുണ്ട്.
ബൗളിങ്ങില് ഭുവനേശ്വര് കുമാറിെന്റയും രവിചന്ദ്ര അശ്വിെന്റയും ഫോമിലേക്കുള്ള മടങ്ങിവരവ് ശുഭസൂചനയാണ്.
കഴിഞ്ഞ കളിയില് ഇവര്ക്കൊപ്പമിറങ്ങിയ മുഹമ്മദ് സിറാജ്, ദീപക് ചഹാര്, അക്സര് പട്ടേല് എന്നിവര് തന്നെയാവും ഇന്നും ടീമില് എന്നാണ് സൂചന. കെയ്ന് വില്യംസണിെന്റ അഭാവത്തില് ടിം സൗത്തി തന്നെയാവും കിവീസിനെ രണ്ടാം കളിയിലും നയിക്കുക.