കേരള സംഗീത നാടക അക്കാദമി ചെയര്‍മാന്‍ ആയി ഗായകന്‍ എം.ജി ശ്രീകുമാറിനെ നിയമിക്കാനുള്ള സി.പി.എം തീരുമാനത്തിനെതിരെ ഇടതുപക്ഷ പ്രമുഖരില്‍ നിന്നടക്കം വ്യാപക വിമര്‍ശനം.
2016ലെ നിയമസഭാ തെരഞ്ഞെടുപ്പില്‍ കഴക്കൂട്ടം മണ്ഡലത്തില്‍ അടക്കം എം.ജി. ശ്രീകുമാര്‍ ബി.ജെ.പിക്ക് വേണ്ടി തെരഞ്ഞെടുപ്പ് പ്രചാരണത്തിനിറങ്ങിയിരുന്നെന്നും ബി.ജെ.പി സംസ്ഥാനം ഭരിക്കണം എന്ന തലത്തില്‍ പ്രസംഗിച്ചു എന്നും തെളിവുകള്‍ നിരത്തിയാണ് ഇടതുപക്ഷ അനുയായികള്‍ തന്നെ നിയമനത്തിനെതിരെ രംഗത്തുവന്നിരിക്കുന്നത്.
ഒരേസമയം ഹിന്ദുത്വ ഫാസിസത്തിന് വേണ്ടി ആഹ്വാനം ചെയ്യാനും അതേസമയം, ഇടതുപക്ഷ സഹയാത്രികന്‍ ആകാനും കഴിയുന്ന പ്രത്യേക പ്രിവിലേജുകള്‍ ചിലര്‍ക്കുണ്ടെന്നാണ് എം.ജി ശ്രീകുമാറിനെ ചൂണ്ടിക്കാട്ടി സമൂള്‍മാധ്യമങ്ങളില്‍ ഉയരുന്ന വ്യാപക വിമര്‍ശനം. തീരുമാനം പുനഃപരിശോധിക്കണം എന്നും തെറ്റ് തിരുത്തണം എന്നും ആവശ്യപ്പെട്ട് നിരവധി പേരാണ് രംഗത്തെത്തിയത്. നടി കെ.പി.എ.സി ലളിതയാണ് നിലവില്‍ സംഗീത നാടക അക്കാദമി ചെയര്‍മാന്‍