Latest
കെഎസ്ആര്ടിസിക്കുള്ള ഡീസലിന് എണ്ണ കമ്ബനികള് വില കുത്തനെ കൂട്ടി. ലിറ്ററിന് 21 രൂപ 10 പൈസയാണ് ഒറ്റ ദിവസം കൂട്ടിയത്.
ബള്ക്ക് പര്ച്ചേസ് വിഭാഗത്തില് പെടുത്തിയാണ് എണ്ണവില വര്ദ്ധിപ്പിച്ചത്. നേരത്തേ ഐ ഒ സി ലിറ്ററിന് 7 രൂപ കൂട്ടിയിരുന്നു. ഇതിനെതിരെ സംസ്ഥാന സര്ക്കാര് സുപ്രീം കോടതിയെ സമീപിച്ചെങ്കിലും ഹൈക്കോടതിയില് പോകാനായിരുന്നു കോടതി ഉത്തരവ്. ഇത് നിലനില്ക്കെയാണ് വില വീണ്ടും കുത്തനെ കൂട്ടിയത്.
വിലവര്ധനക്കെതിരെ നാളെ തന്നെ ഹൈക്കോടതിയെ സമീപിക്കുമെന്ന് ഗതാഗത വകുപ്പ് മന്ത്രി ആന്റണി രാജു അറിയിച്ചു. കെഎസ് ആര്ടിസിയെ കനത്ത നഷ്ടത്തിലേക്ക് തള്ളിവിടുന്നതാണ് ഇന്ധനവില വര്ധനയെന്നും ഇത് അംഗീകരിക്കാനാകില്ലെന്നും മന്ത്രി പറഞ്ഞു. 4 ലക്ഷം ലിറ്റര് ഡിസലാണ് കെഎസ്ആര്ടിസിക്ക് ഒരു ദിവസം വേണ്ടത്. നിലവിലെ സാഹചര്യത്തില് വില വര്ധനവോടെ ഒരു മാസം 21 കോടിയുടെ നഷ്ടമാണുണ്ടാകുക. ഇത് കെഎസ് ആര്ടിസിക്ക് താങ്ങാന് കഴിയില്ല. പൊതു ഗതാഗതത്തെ തകര്ക്കുന്ന രീതിയാണ് കേന്ദ്രത്തിന്റേതെന്നും ആന്റണി രാജു പറഞ്ഞു.