ഭര്ത്താവിനെയും നാലും ഒന്പതും വയസുള്ള കുട്ടികളെയും ഉപേക്ഷിച്ച് യുവതി മുങ്ങിയത് മൂന്നു ദിവസം മാത്രം പരിചയമുള്ള ആസാം സ്വദേശിക്കൊപ്പം. ഭാഷ പോലും വശമില്ലാത്ത യുവതി ഇയാള്ക്കൊപ്പം എത്തിയതാകട്ടെ ആസാമിലെ നക്സല് സാന്നിധ്യമുള്ള ഗ്രാമീണ മേഖലയില്.
ആസാം ദിംബൂര്ഗര് ജില്ലയിലെ ഗ്രാമത്തില് താമസക്കാരനായ മൈനയെന്നു വിളിക്കുന്ന മൃദുല് ഗൊഗോയി (31) , തൊമ്മന്കുത്ത് സ്വദേശിനി ഗീത (32) എന്നിവരെയാണ് കാളിയാര് പോലീസ് അറസ്റ്റു ചെയ്തത്. പ്രവാസിയായ ഭര്ത്താവ് നിര്മിക്കുന്ന വീടിന്റെ വയറിംഗ് ജോലിക്കു വന്ന മൈനയുമായി ഗീത അടുപ്പത്തിലാകുകയായിരുന്നു. മൂന്നു ദിവസത്തെ അടുപ്പത്തിനൊടുവില് കഴിഞ്ഞ സെപ്റ്റംബര് മൂന്നിന് രാത്രിയാണ് ഗീത ഇയാളോടൊപ്പം ഇറങ്ങിപ്പോയത്.