കോഴിക്കോട്: മോഡല് ഷഹാനയുടെ മരണത്തില് ഭര്ത്താവ് സജാദ് അറസ്റ്റില്. സ്ത്രീപീഡനം (498A), ആത്മഹത്യാ പ്രേരണ (306), എന്നീ കുറ്റങ്ങള് ചുമത്തിയാണ് അറസ്റ്റ്.
ചേവായൂര് പൊലീസാണ് അറസ്റ്റ് ചെയ്തത്. ഇന്നലെ രാത്രിയാണ് യുവതി മരിച്ചത്. രാത്രി പതിനൊന്നേമുക്കാലോടെ സജാദിന്റെ നിലവിളി കേട്ട് അയല്വാസികള് ഇവരുടെ വീട്ടിലെത്തുകയായിരുന്നു.
സജാദിന്റെ മടിയില് ഷഹാന അവശയായി കിടക്കുന്നതാണ് അയല്വാസികള് കണ്ടത്. അയല്വാസികള് അറിയിച്ചതിനെ തുടര്ന്ന് പൊലീസെത്തി ഷഹാനയെ മെഡിക്കല് കോളേജ്
ആശുപത്രിയില് എത്തിച്ചെങ്കിലും മരിച്ചു. യുവതി തൂങ്ങിമരിച്ചതാണെന്നാണ് പോസ്റ്റുമോര്ട്ടത്തിലെ പ്രാഥമിക കണ്ടെത്തല്. എന്നാല് ദേഹത്ത് ചെറിയ മുറിവുകള് ഉണ്ടെന്നും കൂടുതല് പരിശോധന വേണമെന്നും പൊലീസ് ഉദ്യോഗസ്ഥര് പറഞ്ഞു.
ഒന്നര വര്ഷം മുന്പാണ് സജാദ് ഷഹാനയെ വിവാഹം കഴിച്ചത്. കോഴിക്കോട് ചെറുകുളം സ്വദേശിയാണ് സജാദ്. ഷഹാനയുടെ വീട് കാസര്ഗോഡ് ചെറുവത്തുര് തിമിരിയിലാണ്. വിവാഹം കഴിഞ്ഞത് മുതല് സജാദും വീട്ടുകാരും ഷഹാനയെ പീഡിപ്പിക്കുന്നുണ്ടെന്നാണ് ബന്ധുക്കളുടെ ആരോപണം. പറമ്ബില് ബസാറില് ഒന്നര മാസമായി ഷഹാനയും ഭര്ത്താവും വാടകക്ക് താമസിക്കുകയായിരുന്നു