മുണ്ടക്കയം: കൂട്ടുകാരുമൊത്തു വാഹനത്തിൽ സഞ്ചരിക്കുന്നതിനിടെ വെള്ളമെന്നു കരുതി കീടനാശിനി കഴിച്ചയാൾ മരിച്ചു. മുണ്ടക്കയം പാലൂർക്കാവ് നടക്കൽ ബൈജു (50) ആണ് മരിച്ചത്. കഴിഞ്ഞ ശനിയാഴ്ചയായിരുന്നു സംഭവം.
സുഹൃത്തുക്കളുമൊത്തു മുണ്ടക്കയം ടൗണിനു സമീപം വാഹനത്തിൽ ഇരിക്കുന്നതിനിടയിൽ കാറിലുണ്ടായിരുന്ന കീടനാശിനി വെള്ളമാണെന്നു കരുതി കുടിക്കുകയായിരുന്നു. ഉടൻതന്നെ വാഹനത്തിനുള്ളവർ പാലായിലെ സ്വകാര്യ ആശുപത്രിയിലെത്തിച്ചെങ്കിലും ഇന്നലെ രാത്രിയോടെ മരിച്ചു. മുണ്ടക്കയം സിഐ ഷൈൻ കുമാറിന്റെ നേതൃത്വത്തിലുള്ള പോലീസ് സംഘം സംഭവത്തിൽ ദുരൂഹതയുണ്ടോയെന്ന് അന്വേഷണം നടത്തിവരുന്നു. സംസ്കാരം ഇന്ന് പാലൂർക്കാവ് സെന്റ് ജോർജ് പള്ളിയിൽ. ഭാര്യ: റെയ്ച്ചൽ. മക്കൾ: അലൻ, അലീന