ന്യൂഡല്ഹി: ആംആദ്മി പാര്ട്ടിയുടെ അഴിമതിവിരുദ്ധ പ്രതിച്ഛായക്ക് തിരിച്ചടി. കള്ളപ്പണ ഇടപാടുമായി ബന്ധപ്പെട്ട കേസില് ഡല്ഹി ആരോഗ്യമന്ത്രി സത്യേന്ദ്ര ജെയിനെ എന്ഫോഴ്സ്മെന്റ് അറസ്റ്റ് ചെയ്തു.
2015-16 കാലത്ത് സത്യേന്ദ്ര ജെയിന്റെ കമ്പനികള് വഴി 4.81 കോടിയുടെ കള്ളപ്പണം വെളുപ്പിച്ചതായി ഇ.ഡി കണ്ടെത്തിയതിനെ തുടര്ന്നാണ് ഇഡിയുടെ നടപടി. ചോദ്യം ചെയ്യാന് വിളിപ്പിച്ച സത്യേന്ദ്ര ജെയിനെ വൈകുന്നേരത്തോടെ അറസ്റ്റ് ചെയ്യുകയായിരുന്നു.
ജെയിന്റെ കമ്പനികളുടെ അക്കൗണ്ടിലേക്ക് ഇത്രയും തുക ക്രെഡിറ്റ് ചെയ്യുകയും ഇത് പിന്നീട് കൊല്ക്കത്തെ ആസ്ഥാനമായുള്ള ബ്രോക്കര്മാര്ക്ക് കൈമാറുകയും അതുപയോഗിച്ച് ഭൂമി വാങ്ങുകയും അതുപോലെ ഡല്ഹിയിലും പ്രാന്തപ്രദേശങ്ങളിലുമായി കൃഷിഭൂമി വാങ്ങിയതിന്റെ വായ്പാ തുക തിരിച്ചടയ്ക്കാനും വിനിയോഗിച്ചതായാണ് കണ്ടെത്തല്.
നേരത്തെ ജെയിന്റെ ഉടമസ്ഥയിലുള്ള കമ്പനികളുടെ 4.81 കോടി രൂപയുടെ സ്വത്തുക്കള് ഇ.ഡി കണ്ടുകെട്ടിയിരുന്നു